رد: جمع شتاتي ومملكة عشقي ...
أدمعي يالعين لو دمعي يطيح
من دفى محجر عيوني للورق
أكذب انواع القصايد فالمديح
مثل قولة شوفوا المنشأ برق
واصدق انواع الشعر عدّ الصحيح
يوم شعري عن شعر غيري فرق
شاعرك مشكلته بقوله صريح
لو يجازف يا حياته يا الغرق
مرتمي حظّه على الوقت الشحيح
لو يكمّـل رشفة أحلامه شرق
جمّع اشواقه معه في هبّ ريح
وشبّ فيها لين طارت واحترق
ياملبّـسني شقاك ومسـتريح
يا الحنين اللي على صدري طرق
يامعقّـب من بعد صدّك جري
عقّبت له غيبتك همّ وأرق
كيف اسامح في سواتك أو ابيح
وكل حلم اطمح احقّـقْه انسرق
كيف اسامح والدموع اللي تطيح
عقب مسحت يدْك يحضنها ورق !!
|