اخليكم مع الخاطره اول ...!!

تدري إذا البنت عشقت وش ممكن يصير؟!

يوووه...
لوتدري وش عشق البنات؟!

موت وحياة..
وأشياء أبد ماتنوصف..

تبي تعرف البنت إذا دشت هوى؟!

تنثر لها دمعة حلوه..

تشبه لحبات المطر..
بس دافية حييييل..
وتشتري لها شمعة لونها وردي..
وتفرح إذا هي تحترق..
وتجلس بغرفتها كثيير ..
تصحى
وتنام
ودايم كسل..

تضحك شوي..

وتبكي شوي..
وتقول أحيانا كلام..
هي نفسها ماتفهمة..

وتشتري لها دفتر جديد..

وتكتب عليه بعض الطلاسم والحروف .. والباقي كلة شخمطة

وتغير العطر القديم...

...وتكرة ملابسها القديمة

وتموت بالليمون..والشاهي الخفيف
وتقرى شعر كلة غزل وتقول:

يوووه.. الله على عشق البنات ياحليلهم
مرة يحبون الهوى وإذا دخلوة ضاعوا ومادلوا الطريق
أمشي على شط الهوى وشوف البنات

هذي غرقانة..
وهذي تصيح..
والثالثة تمشي وتطيح..
وبحر الهوى مايرحم أحد..
يموت في قتل البنات

تقوووول
حبيبي!!!..
تدري بشي..
أنا بصراحة خايفة..
أخاف يوم تتركني على حال الطريق
وترحل بعيييد ... ... ...

وتصبح مثل باقي الرجال ماتفهم قلوب البنات.
وتقوووول
تدري وش يصير..!؟!

والله لأموت من القهر,, وآخذ عزا كل البنات!
وأكتب رسالة للقمر,,

وأقوله: ...
لاتنخدع من الرجال...
مهماوصفوك¡¡
ومهماتغنوا في بهاك..!
¤باكر يخلونك تموووت من القهر¤
.....""¤ مثل البنات ¤"".....




وهاذي هديه

إلى كل شاب متلاعب بمشاعر البنات


يالــــي خذيــت الهـوى وناســه وفلـــه

تضحك على ساره وتلعب على منيفـــه

خــــل التلاعـــب ياميــت القلــب خلــــه

لا وفّــــق الله من هــذي ســـواليــفـــه

حب الرهيـــفه قبـــل ماتحب خــاف الله

خـــل النـــوايا بضميــــرك دايم نظيـفــه

وش ذنـــبهـــا حـــبتــك من قلـــبها كلـــه

مــاتدري انــك عــديم احســاس ياجيفـه

البـــنت دمــع الهــوى من نسمه تـهلـــه

كما الفـــراشه رقيـــقه حيــل ورهيــفــه

احساسها احساس شاعر حاضنن خله

واشواقها اشـــواق من ودّع مــواليفــه

جـــرّب اذا فيـــه يومـــن صابتـــك عــله

شوف الوفــا كيف عمــره لجلك تعـــيفـه

تمــلك مشـــاعر تــنش القلــب وتبــلـــه

الله علــى حــــبها لا صـــار مــن كيــفـــه

حـــرام فـــي هالبـــراءه سيفك تســلــه

ارحــم قبـل لا يجـي من يعدمك سيــفــه

وخـــــل التــلاعــب ياميــت القلــب خــلـه

لا وفّــــق الله مــن هــذي ســوالــيـفــــه


وسلامتكم

دائماً أخي الكريم عبد الاعجم .. مبدع ومبدع .
صرنا نترقب مواضيعك ما شاء الله .

حُروفُــكَ أضْحتْ لنَا نغماً .......... نردِّدُهُ كلَّما نابَنَا حُزْنُ

شكراً لك أخي عبده

شكرا لكم على هذا الموضوع الرائع والجميل
اتمنى لكم دوام التوفيق وان يكون التميز والتجديد حليفكم
تقبلوا مروري وردي المتواضع عند شموخ حضوركم الكريم
لكم الود كله ومن الورد اطيبه وازكاه ومن العطراجمله ومن البخور اغلاه

عابرسبيل

أخي عبده.
كلام منسق ومنهنتك(يعني مزيّن) وله معنى بل معاني عرفها من عرفها وجهلها من
لا يريد أن يتعلم من هذه الحياة وكلام ناسها, واللي لازال مغمض لازم يفتح عيونه
وكمان يبحجر بها, والنية مثل ما يقولون مطيّة لكن ما هو كل مطيّة توصّل
لشاطي الأمان, ويقول المثل: أذا فات الفوت ما ينفع الصوت,
ولا أحد يسلم عقله لغيره.. شكراً أخي عبده وأسمح
لي على اطالة التعليق بس حبيت أقبص
بعض الأذاني لعلها تسمع وتستفيد..وبارك الله فيك لك وعليك..

عبده الاعجم

ابيات في قمة الروعه اشكرلك هذا الابداع

المتواصل والتميز الدائم لك كل الشكر والله

يعطيك الف عافيه

ابدااااااااااع
يعطيك الف عافيه اخوي عبده
وتستاهل التقييم بعد
,,,

اشكر الجميع
على هذا المرور الجميل
جدا
لا عدمناكم

عبده
خاطره رائعه نثرت الحروف واعدت جمعها بطريقه
تجذب القارئ لمتابعة احرفك للنهايه

شعرا تجليت بوصفه وتزينت الاسطر
بعقد من الالماس يسر الاعين
فكما اسلفت سابقا متميز وانا دائما ممن ينتظرون
جديدك الرائع

تعليق صغيرون:

ياورد تكفى شمني بس وأموت
عودي ذبل يا ورد محتاج شمك
لما متي شقعد معذب ومكبوت
حتي بشوكك ضمني لا يهمك
من يشتكي يا ورد مثلي بلا صوات
محروم من كلمة حبيبي بفمك
فى مزهريه حطني وسط تابوت
ماهمني مادام أهنى بضمك
ياورد حالي منهو سقاك بمتوت
طعمك مزين موت ياخف دمك
من يلمسك ياورد من صدق مبخوت
عاد كيف من كفه تجرا ولمك


توقيع جدا عجبنى
بس تعرف يرجع لمين
اذا تعرف ممكن تعطينى اسمه
يعطيك ربي الف عافيه

وردة فى مهب الريح
تشكري على هذا المرور الجميل جدا
احرجتينى با ردودك الجميلة
الف شكر لك
عبده الاعجم