-*™£ منتدى آل شراحيل بفيفاء£™*- - العقل صاحي لكن القلب مجنون ..

ياوسع صدري مير للضيـــــق مرهـون
وإن ماتوسّـع كلـه يضيـــــــــــــق كلَـه

يمشي تحت رهن الإشاره على الهون
وترمي عليه مـن الســــــــلـوك وتتلَـه

وسلوكها ما بين ناشـــــــف ومدهـون
وصدري ليا قامـت تلامــــــــس تعلَـه

أحيان أجامل وأترك الســـــد مدفـون
وأضحك ما بين الخطَــــــر المسفهلَـه

وأحيان أجي مشحون وروح مشحون
وأقول مـن يعقـد احجاجـــــــــي يفلَـه

ثلاث تحكمني ولا قلــــــتَ وش لـون
المعرفـه 00العاطفــــــه 00والجبلَـه

العقل صاحي لكن القلــــــب مجنـون
والكـل منهـم نظـــــــــرتـه مستقلَـه !

ياصاحبـي مـا للمحبـــــــــيـن قانـون
والحب لغـز 00 ولاعرفــــــنـا نحلَـه

قلبك مثل قلبـــــــي مكبـل ومسجـون
أحـرار مـــــــــيـر اقلوبنـا مستحـلَـه

عسى الغلا لازال بالحفظ والصـون
والله يبـيـحـــــــــــه لاتغيـرمـحـلَـه

أهديتني جمــره علـى راس غليـون
وأهديتك من العمـر شــــيحـه وفلَـه

ورغم اختلاف المد لازلـت ممنـون
والشــــوق ياخذنـي علـى كـل ملَـه

فوحت دمي لين صار أشقـر اللـون
وأخذت مـن مجـراه فنجــــــال دلَـه

ماغــير أغني فيك لو كنـت مغبـون
يامل قلبي من غرامــــك يامـن لَـه !

دايم ضحايا العشق لإجله يضحـون
كم فاض من كـثر الضحايـا سجلَـه

وأنا غــــديت بحكـم فاتـن ومفتـون
راضي بحكم الحـب 00والحكـم لله

وإن قام يكبر بيننا شـاســع البـون
أرفق علـي وشاســــع البـون قلَـه

عز الله إن الشك ماهـوب مامـون
ســيف الجفـا البتـار يمكـن يسلَـه

أقنع لو أن الحال من دون فـي دون
وآخـــــذ الكـلام اللـي عليـه الأدلَـه

لاتشتكي لي والعرب وش يقولـون
شــــكـوا لغيـر الله تـراهـا مـذلَـه
؛؛
طابت اوقاتكم بكل خير
م/ن