رداً مني على أبيات للشاعر {علي بن حماد الشهراني} .
 

هذه الابيات للشاعر {علي بن حماد الشهراني}

ياهاتفي خذ للمطاليق تحديد
وارسل لهم في فرحة العيدقافي

الله يهني راعي الطيب بالعيد
اللي مع الوافين مبداه وافي

هذا ولايحتاج للشوق تأكيد
الشوق لونخفيه ماهوب خافي

@@@@@@@@@@@@@@@@@@@@
وقد قمت بالرد على ابيات الشاعر اعلاه
والذي سبق وأن أحرجني بطيبه وكرمه
الحاتمي الذي عرفته فيه ولمسته منذ
سكنت بجواره في هذه الأرض الطيبة
بأهلها الكرماء
@@@@@@@@@@@@@@@@@@@@
{فارس البيد}

ياحي بن حماد رمزالأجاويد
بحرالعطا في عاتيات الصلافي

إي والله إنك ياعلي من صناديد
طيبك دليلي دون شك وخلافي

ماظن مثلك غيرحاتم وأبوزيد
أهل الكرم واهل السيوف الرهافي

يمناك مدرار{ن}على دان وبعيد
نورالبساله في محياك ضافي

أقولها مع شيب والشب والغيد
واقولها عبرالصحف يالسنافي

مني إشاده دامت الروح تمجيد
ذكرى عزيزه لين يوم التجافي

شهران غيث الجاروالعزوالفيد
مالافها من ماضي الوقت لافي

لابه عريقه عودها والمواليد
يشهدلها التاريخ والفعل كافي

من بطشها تلين صم الجلاميد
ومن طيبها يحيا هشيم الفيافي

وسلام ياوجه المنع فارس البيد
في منتهى القيفان من قلب صافي



علي آل زولان الفيفي
١/١٠/١٤٣١هـ

رد: رداً مني على أبيات للشاعر {علي بن حماد الشهراني} .
 

ابيات جداً جميلة ورائعة
من رجل شاعر تعودنا منه دائماً
القصائد الجزلة والغنية بالمعاني الرائعة
وفقك الله اخي علي الزولاني في حلك وترحالك
وبارك الله فيك اينما حللت ونزلت ولا تحرمنا من جديدك ارجوك
فكلنا والله في شوقٍ لكل ما تقدمه من قصائد للمنتدى او لغيره
تقبل مروري المتواضع وردي ولك ودي وعبير وردي
وكل عام وانتم بالف خير يارب

عابرسبيل

رد: رداً مني على أبيات للشاعر {علي بن حماد الشهراني} .
 

الزولانى
السلام عليكم ورحمة الله وبركاته
ماشاءالله عليك صح السانك
دايم تتحفنابأروع المعانى وتبحربنافى بحورالشعر
ماهى غريبه من شاعربحجمكم ياعزيزى الله يوفقك يارب

رد: رداً مني على أبيات للشاعر {علي بن حماد الشهراني} .
 

رد: رداً مني على أبيات للشاعر {علي بن حماد الشهراني} .