11-02-2010, 05:32 AM
|
#1 | |
 
|
يكفي إنك صرت لي جسم ٍ وروح
كيف أشوف الدمع من موقك يسيل
كيف أشوف الحزن في وجهك يلوح كيف أشوف الهم في صدرك نزيل والفرح في دنيتك صابه شحوح وقلبي اللي ما رضى غيرك خليل قد فتح لك خافقه فضفض وبوح إرمي همومك وأنا قادر أشيل راحتك عندي ترى غاية وطموح لا وربي زعلتك ماهي قليل جد هرجي يا غلا ما هو مزوح ما هنا نومي ولا طاب المقيل ساهر ٍ ليلي وأنا أبكي وأنوح ساهر ٍ والليل يا خلي طويل ينجلي ليلي وحزني ما يروح كني اللي للحزن أصبح دليل وللحزن نار ٍ لها دمي يفوح جيت لك والقلب يا خلي عليل جيت أقول اشلون جسم ٍ دون روح جيت لك ماهمني قال ٍ وقيل جيت لك والشوق ياخلي ذبوح جود لي برضاك لاتصبح بخيل جود لي تكفى وخلك بي سموح يكفي إني بعد عزي لك ذليل ويكفي إنك صرت لي جسم ٍ وروح |
|
 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
