-*™£ منتدى آل شراحيل بفيفاء£™*- - ملكتيني ذبحتيني طعنتيني بدون ذنوب.. ,

ملكتيني ذبحتيني طعنتيني بدون ذنوب
هدمتيني ظلمتيني وانا توي صغير وشاب

كرهتيني تركتيني وقلبي يحترق ويذوب
نثرتيني ********رتيني ********رتي قلبي المنصاب

مسحتيني لغيتيني وحرفك بالحشا مكتوب
خذلتيني وصفتيني بأني عاشق نصاب

كتبتيني على صفحه.. ولكن للاسف مقلوب
جعلتيني صديق الضيق وغيري سيد الاحباب

نهرتيني هجرتيني وقلتي غيّر الأسلوب
نهرتيني بلا رحمه...بغيتي للجفا أسباب

جرحتيني رفضتيني وقلتي بعدكم مطلوب
حرمتيني من الفرحه...فتحتي للهموم أبواب

قتلتيني بذكر اللي بوسط القلب لك محبوب
قتلتيني ولكنه..لئيم...وفاجر...وكذاب

انا المخطي وأنا استاهل وانا عن حبها ماتوب
وأنا اللي لو نهيت القلب عن ذكرك ترى ماتاب

وأنا مثلي مثل جيش غدى بالمعركه مغلوب
رجع يشكي.. رجع يبكي..بعد صارو عليه أحزاب

أنا العاشق وأنا الصادق وأنا الطيّب وانا الحبوب
أحب اللي يواسيني..يناقش غلطتي بعتاب

ولا عشقي ولا صدقي ولا طيبي ********اني ثوب
********اني للاسف ذل ودمع بالورق منساب

أنا بكشف لك أوراقي ولو فيني كثير عيوب
عيوبي مالها عده ولو تحسب كثير حساب

أنا فيني حزن يكفي ..جعلني للضياع دروب
تجرعته على مهلي إلين إن الفرح قد غاب

وأنا مالي أمل فيها..هي الشاطب وأنا المشطوب
هي الحره ..هي الدره.. هي المطلب وأنا الطلاب

على كيفك ..على أمرك ..نقدم لك مشروب
وإذا عندك طلب ثاني ..تحت أمرك ترى ماهاب

أنا صابر على حظي ومثلي بالصبر مغصوب
وإذا صبري نفذ مني سقيتك موية الأهداب

هويتك والهوى عقّد خفوق العاشق المنكوب
هويتك يا بعد عمري..وقلبي بالحنايا ذاب

هويتك لا تخليني مصيري أكشف المحجوب
هويتك كلمة فيها..ألم شوق شقى غلاب

وداع الغبن والغيره.. وداع الشاعر الموهوب
أنا برحل ولكنّي ..أبهديك الحنان كتاب

سالت الواحد الخالق عزم نوح ...أمل يعقوب
عزم موسى.. دعاء يونس يوم أنه بالدعاء ماخاب

عزم هود ..عزم لوط..ويعطيني صبر أيوب
ويبعدني عن الزله ..ويفتح في طريقي باب

ويجمعني مع الغالي وصير بقلبها المحبوب
وذكّرها بأن اللي تحبه..فاجر ...كذاب