-*™£ منتدى آل شراحيل بفيفاء£™*- - قالت اوصيكم بمن حبه فتن

قال من خله توفى واندفن ..............قبل يجمعهم نصيبٍ بالحياة
اسألك الله بكل اسمٍ حسن ..............ياكريم اسئلك فعل الصفات
وارجي انك مع حبيبي تجمعن ..............وسط جنة عدن من بعد النجاة
راح في عزة شبابه واتركن ..............فرقتنا قدرة الله يوم مات
شافت عيوني حبيبي بالكفن ..............شايلينه بالنعش لاجل الصلاة
ابعدو به عني ورجليني عصن ..............ماقون المشي وصارن واقفات
حاولن المشي لكن ماقون ..............طاح جسمي يوم صارٍ عاجزات
صارت عيوني جهتهم ينظرن ..............ليت رجليني معاهم ماشيات
صحت بأعلى صوت يامن يسعفن ..............من يسوي خير يجزى باحسنات
ما مع المقفين احدٍ يرحمن ..............قاسيات قلوبهم مثل الحصاة
مابهم من رق لي حين اسمعن ..............لا ولا منهم تكرم بالتفات
صرت انا ازحف فوق صدري والبطن ..............واختلط دم و دموع سايلات
دم جسمي من عروقه ينزفن ..............من كثر زحفي على ارضٍ فلاة
مع دموع من عيوني يذرفن ..............من كثر نوحي على حسن الصفات
اشتكي هم وغرابيل وحزن ..............داعيٍ ربي مجيب الداعيات
اسئلك ياذا الجلال تحملن ..............العز والصبر فيها والثبات
خايف أوصل قبرها بعد الدفن ..............لكن الله وصلن قبل الفوات
كن خلي يوم شفته ودعن ..............قبل دفنه وسط قبره بلحظات
مامع اللى حاظرٍ دفنه فطن ..............حين ماعزو اهلها بالوفاة
موقفي صعب وفؤادي به مكن ..............حسرة ظلت جروحه ساطيات
صرت انا من غير ما اشعر بس اون ..............وأتقلب من جروحٍ خافيات
فوق قبرٍ فيه محبوبي سكن ..............علىّ اركانه من السايسااات
قربوا أهله وقالو انت من ..............كيف في نفسك تسوي هالسواات
ضاق صدري زود وعيوني بكن ..............قلت انا اللى فيه عزوني عزاااااااة
اسئلو قلبٍ لها دايم يحن ..............حبها نابت على أرضه نبات
واسئلو عينٍ بكتها في شجن ..............جرحت خدي دموعٍ حاميات
قالوا أنت اللى على لسانه لحن ..............قبل تتوفى عطتنا لك وصاااة
قالت أوصيكم بمن حبه فتن ..............قلبي وروحي لحبه شاهدات
رددت اسمك وهي بين المحن ..............قالت انه هو اعز الامنيات
كل شي قبل موتي ذكرن ..............بأسعد اللحظات وأحلى الذكريات
مع حبيب الروح لكن الزمن ..............اصدر احكام علينا جايرات
بالقدر نرضى وربي قال كن ..............وكانت الفرقا وماله مانعات
والقظى لو قاسي احكامه يجن ..............بدنا نرضى ولا نجزع بتات
وآخر اللى قالته لا يقطعن ..............من زياره مع سلامٍ كافيات
قلت انا متأكدٍ ماني أظن ..............لا سألت الله بحسن الخاتمات
يستجيب لدعوتي فيه استعن ..............ما استعين بغير ربي هيهااات
ربي ارحمها كريمٍ ما يمن ..............يعطي برايه بدون مشاورات
يجعله تسكن بجنات علن ..............جنة الفردوس اعلى العاليااااات
والختم صلوا عدد ما يظهرن ..............من نجوم وعدّ ما بالكاينات
وعدّ وردٍ فوق الاغصان اثمرن ..............للنبي الله سلام وصلواااااات