05-02-2011, 08:57 PM
|
#1 | |
 
|
أسافر في تعب عمري
أنا مجـروح في قلبي وصـوتي للألـم عنـوان
ونفسي ما تعاف الصبر وهـي للحزن مشريــه أسـافر في تعب عمري مابين الشوق والحـرمان أصآرع موجه العآتي .. وأغوص بدنيـآ وردية عسى القى على الشاطىء وله أو شوق أو تحنآن أعـالج به دمـوع العـين وأخفف حزني شويه أنا شمعـه في عيـن الليل وقلبي شايل الأحزان وعيني ما تـذوق الـنوم وروحي دوم منسيـه يذوب النور في عيني .. وأضيّع ماأعرف الألوان وأنـادي يا عيون الليـل ترى هالدنيـا وهميه أنا لوحـة حـزن تبكـي عجز عن رسمها فنان وضـاعت كـل ألوانـي وصـارت بس رماديـه رمادي لون أفـكاري وحزنـي لو يشوفه إنسان تمنـى الموت قبل الليل وشاف الموته عاديـه أنا مـركب غــرامي تاه في الـدنيا بلا ربان رمـاه المـوج في صحراء لهـا شطأن رملـيه وتاهت جمله أفكـاري مابين الـذكرى والنسيان وضاعــت كـل خطـواتي في ليلـة برد شتويه وشلت أشواقي وجروحي أوازنها على الميزان أخـاف أشـواقي تغلبني وتجبـرني على الجيه ورديـت أرسـم أحـزاني وأسمع أعذب الألحان عسى ينـزاح حـزن الأمس وألاقي درب حريه سمعتـوا حرفي الدامي وشفتوا لوعه الحيـران عسى يرتــاح كل مجـروح ويلقى افراح وردية |
|
|
التعديل الأخير تم بواسطة ابوعبدالرحمن ; 05-03-2011 الساعة 04:10 AM
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
