-*™£ منتدى آل شراحيل بفيفاء£™*- - ماهمنا الاتحاد / ولاجماهيره

- - ماهمنا الاتحاد / ولاجماهيره (http://www.sh22r.com/vb/sh22r25497/)

ماهمنا الاتحاد / ولاجماهيره

ان قاله الله / نجيب الفوز من جِدّه
...................................ماهمنا الاتحاد /ولاجماهيره

ونعم بالاتي/ لكن هلالنا ضده
............................يقّـِصّ ريشه /ولو وقف معه غيره

واليا التقى/ نِد يتبارى مع نِدّه
...................................حنا هل الاوله /والهقوه كبيره

رجالنا يالبواسل/ عدوا العِدّه
.................................الفوز مايحتمل ذا الليل/ تاخيره

كونوا مثل ماعرفناكم على الشِدّه
...............................الفوز خيره/ ولاشي بعدها خيره

محدٍ يوصي الصقر/ في لحظة الهدّه
............................ولاحدِ يوصي الكريم/ على مساييره

هلالنا يوقف المغرور/ ويردّه
................................ويكسّر الراس لامن حان تكسيره

خمسين عامً/ يجيب الفوز ويعِدّه
...................................كل المغاوير/ ترهب من مغاويره

خمسين /نمشي مع الابداع ونمِدّه
....................................وهلالنا فارسً /ماخاب تقديره

ياهلال ياساكنً بقلوب ممتدّه
..............................الحب يصعب على الاحباب/ تغييره

يانادي ً سيرة الامجاد/ في مجدّه
...................................سيره/ ابد ماعرفنا/ مثلها سيره

ياكم وياكم /عزفت الحان منفرْدّه
...................................وابداع /مايقدر الفنان/ تصويره

واليوم يابهجة الفايز/ وياسعدّه
..........................................لعلها للهلالي/ خيرة الخيره

واللي يشجع هلال المجد/ ويودّه
......................................يحضر يساند/ ولايقبل بتاخيره

هلل وردد معانا /يابحر جِدّه
.................................الموج الازرق حضر/ويا جماهيره

هلل وردد معانا /يابحر جِدّه
..................................الموج الازرق حضر/ويا جماهيره

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

وتقبلوا تحياتي