ياليل تكفى ضمني الف مره

مره , الـ , تكفى , ياليل , ضمني
ياليل تكفى ضمني الف مره

ياليل تكفى ضمني الف مره

الليل موحـش والهوآجيـس مـرّه
والشّوق من جمر الجفاء شب ناره
النّفس ضاقت والرّجاء مات حـرّه
والرّوح عادت للوهـم وإنتظـاره
يا ليل تكفى ضمّنـي ألـف مـرّه
وإحضن صدى صوتي ورد إعتباره
يا ليل حالـي جـرّه الهـم جـرّه
يا ليل عمري ما يطيق إحتضـاره
إن زاد شوقي يفضح الدّمع سـرّه
وإن جف دمعي يطلب الشّوق ثاره
العين يكفيهـا مـن الشّـوف ذرّه
والرّوح تروى بالظمـاء للبشـاره
يا ليل عمري ما عرفـت المسـرّه
ما عاد لي غير الأسى والمـراره
بعض الغلا دربه عذاب ومضـرّه
فيه الرّجا يرثـي لحـال إنهيـاره
بعض الغلا حلـم الليالـي يغـرّه
بعض الغلا تصفق يمينـه يسـاره
بعض الغلا لو زاد يكفيـك شـرّه
برد وجفـا ليـل العليـل ونهـاره
بعض الغلا نفسـه مكـرّه مفـرّه
ما يرتوي من يرتمي فـي مسـاره
بعض الغلا نفسه عزيـزه وحـرّه
في خافق مـا ينحنـي للخسـاره
يا مبتلي همّك عن النّـاس صـرّه
عاف الغلا وإنفض بقايـا غبـاره
يا متعبـي درب الهـوى لا تمـرّه
وإسدل على رعشة ضلوعك ستاره
يا منتهـي زيـد العتـاب وتشـرّه
شرهة صويب زلزل الهم داره !

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>