06-14-2011, 09:36 PM
|
#1 | |
 
|
يا قلبي اللي ما بقى لك لا علاج ولا طبيـب..!!
يا قلبي اللي ما بقى لك لا علاج ولا طبيـب دوّر على نــاسٍ يحبـونك بدال اللي نســــاك دور بدال اللي ثمان سنيــن وهو لك حبيـــب يمكن تحصل ناس يعطونك كثر ماهو عطاك وان مالقيت اجلس على اطلاله وهات من النحيب حتى لو انك تبكي اللي فـات لك على عمــــاك ما قلت لك ما فيه مثــله لا بعيـــــد ولا قريب قل لي الى حصلت لك مخلوق يستاهل غلاك انا صويب من الفراق اللي جرى وهو صويب والله مدري هو خطاه اللي حصـل والا خطـاك يا صاحبي هذي سوات اللي له ظنون وتخيب والله يسـامحني على عمرٍ قضيتـه في رجــاك صحيـح انا قصّـرت في حقك وخليتـك تغيــب لكن رجعت وقلت اناآسف واعتذرواطلب رضاك العيب تكـرار الخطـأ والا العـذر مافيـه عيـب وشلـون مـا علمتنـي قبل اتعذب من جفـــــاك اللي يخليني وانا محتــاج في الوقت العصيـب وقت السعة ما قلت له يومك تغيّر وش بلاك صبرك على اللي صد عنك وتتبعه مافيه طيب واللي يبيعك بالرخيصة..لوضحك لك ماشراك بس الصحيـح ان الزمن هذا مثل حظي غريب يعطيك فرصة ضـايعة ويقـوم يطعن في قفــاك وان طعتني يا قلبي المجروح مالك به نصيب خله يقضــي باقي ايــامه على ذكــرى هواك وخلك على ماقيل عند البدو قلبك قلب ذيب اقطع متاهات الخلا .. لا تلتفت للي وراك واناعلى نية سفر .. والشمس راحت للمغيب ولا عمرها جابتني الفرقا على حــد الهلاك اما شربت من المطر .. والاشربت من القليب وفي كل حالات الضما مانيب ميت من ضماك |
|
 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
