-*™£ منتدى آل شراحيل بفيفاء£™*- - كل شارب له مقص اليا قصر طاله

- - كل شارب له مقص اليا قصر طاله (http://www.sh22r.com/vb/sh22r26536/)

كل شارب له مقص اليا قصر طاله

ماكل عكف الشوارب طيب مفتوله
كل شارب له مقص اليا قصر طاله

والناس للناس شياله ومحموله
ولا كل حمل يبي يقواه شياله

بعض الحواجب على الطولات مفلوله
وبعض الحواجب على العثرات نزاله

والحر إذا ما أرتفع مايقبل نزوله
والبوم لو يرتفع بالقاع منزاله

نفس من الوقت والايام معلوله
ونفس عليله من الرجال وافعاله

من يرتجي من سحاب الصيف هملوله
يموت ضامي قبل يذوق هماله

والرجل لا صار شيخ وابن حموله
يضفي على الربع والمحتاج بجلاله

لاصار شفق على الناموس والطوله
مفروض ماتنزل افعاله عن اقواله

والمهبد اللي يرد القوم في قوله
مسرد حكي في مجالس ناس حثاله

حمامة الوجه من يمناه مقتوله
ما للحيا فيه دم يشربه فاله

وعز الله إن الحميا فيه مشلوله
رخو نهار العزاوي تقصر حباله

الشيخه الزايده وابليس وطبوله
خلن عمى القلب يمشي شايف حاله

ليته عطى صغر عقله من كبر زوله
او ليت زوله نفع من لاذ بظلاله

خبل يدربي سلوم البدو بنعوله
يطيح قدره تحت رجليه ماشاله

أبواب كل المراجل عنه مقفوله
والنعم كايد عليه ولا يتهيا له

ياوسع بيته وياعرضه وياطوله
ويا قل جود العفين وياكثر ماله

مثله إذا ما استحى من هالبشر حوله
على الأقل يستحي من ميلة عقاله

ودام يتذرى عن ضيوفه اليا جوله
حلال وسط المجالس دفق فنجاله

لكن نصيحه لوجه الله قولوا له
لو يلبس ثياب اخته يمكن أشواله

قصيدة الرجولة للشاعر الكبير
فيصل الطواله