-*™£ منتدى آل شراحيل بفيفاء£™*- - بالله قلي بالغلا من يساويك

- - بالله قلي بالغلا من يساويك (http://www.sh22r.com/vb/sh22r27516/)

بالله قلي بالغلا من يساويك

بالله قلي بالغلا من يساويك

مدخل
الناس بحظورك وضعهم عـادي
مادام عيني تبيك ولاتبـي غيـرك

طير المشاعر بطاروق الغزل شادي
والقلب اشوفه رضيك بشرّك وخيرك

لو الوفا سلعة ومملوك بيديك
لاقول ياحظ الوفا في يدينك

والله احبّك واعتلي من معاليك
واعشق تعابيرك وصادق حنينك

لو قلت انا مااغليك .. لا والله اغليك
واعيوني الثنتين فدوه لـ عينك

ان غاب طيفك طال ليلي وانا ارجيك
واقول ياآمير التعاليل وينك

القلب عندك والعقل منشغل فيك
ماضل غير آصير ملك لـ يمينك

بالله قلي بالغلا من يساويك

مغليك لو كل العرب مرخصينك

يشهد عليّ الله من قلب هاويك
حتى قريني صار يعشق قرينك

اعرف .... ترا الله في عيوني محلّيك
ماآشوف شيّ ايعيب ملحك وزينك

جميعها تعزفك لحْن وتغنّيك
وتقول ياشيخ الغلا ساكنينك

اتصدّق أني كثر ماني مخفّيك
غديت سرّ وصرت انا اليوم امينك

قلبي أمانه عندك الله يعافيك
والله على حمل الامانه يعينك

القلب باليني وانا اليوم باليك
وانت وضميرك دام كلّي رهينك

انا وروحي كل ساعه بطاريك
واقول خلّ ِ العلم بيني وبينك

حتى ولو كذّبت قلبي ينابيك
يفز من بين الظلوع ويدينك

مدري وش ابدا فيه لحظة أحاكيك
مادام كلّي فدوه لــ ناظرينك

علمي بحالي يوم اطالع بـــ عينيك
يمكن سحر هاروت بصبيّ عينك