يامعانق الريح خل الريح و احضني

08-19-2011, 10:15 PM

يامعانق الريح خل الريح و احضني

يامعانق الريح خل الريح واحضنّي...
..............بكرة تجف الجهات وتَبْلَش بْمَسرى..

أشرعت مدَّك لرمل التيه متهنّي..
................بالملح تكتب ومن غير الصبر يقرا..

عن خاين الدمع هات الدمع لو : منّي..
.........................ودّي أمرك بَليَّا بسمةٍ صفرا..

بفتحلك الأرض مثل الجرح...وادفنّي..
...............أجرح لك البال مثل الضيق للأسرى..

ماجاد جفني لـ غيرك لو بدا كنّي..
..................بيْسار عيني رَميت الدمع للأخرى..

طيّرت بعدك سماي وجيت متعنّي...
............... لآخر حدود الجناح وسدرة البُشرى..

مريت بـ اول فصول الغيم متغنِّي...
..............وانبح حزني وأحسك كنت بي أدرى..

مارحت شاري ولكن جيت ترهنّي..
............للعمر/ للحلم/ لـ اصدق نبض مايُشرى..

يكفي بأني نزفتك قبل تطعنّي...
..................ناديت لكن خذلني صمت هالقفرا..

ليت لضلوعي يقينٍ وامعن فـ ظنّي..
...........لكن زفيري نشب فـ الروح واستشرى

ماكنت نجمٍ جديد الضي..متبنِّي..
......................طفلي صباحٍ يمد النور للقمرا..

لو كل طيرٍ لقى لي روح تسجنّي..
............... ماكنت عايش ادور عش للذكرى..

والحين جيتك وكان الدمع مو منّي..
...............اجهشت لكن حضرت ببسمةٍ صفرا.

ليل...

ليل الكلام..

وغيبتك...

ليل الكلام وغيبتك.
مشوووووووار ياطول الكلام..
محروم من غَرف الطريق ...
محروم واللي ما عَطَش
يشرب خُطى من راح..
راحوا شهر عشرة..
واللي بقالك حي لو مات من عِشرة..
خل الضلوع تنام بكرة وراها ضيق...
ياخوفي من نومي وانا ياخوف نومي منك...
لو ماقدرت آآآآفيق...
ودي أجيك ان ماقدرت...
ليتك قدرت وجيتني..
حتى ولو بآآآآآلام
ودي بضيمك صاحبي...
وودي بصحبة ضيم...
لين أنكر الراحة..
وارجع معك وأصحى...
ماللعيون لزوم وانتا على صدري..
قال المسافة خانتك .....واحد من اللي جااا..
[يامكذبه] طيفك قال [الحقيقة] لك...واشغلني في نفسي..
ليلة غيابك والكلام ....
أكثر من اللي قلت..
وآآآقل من بعض السكوت..؟
ليلة غيابك والغرام..
أكبر من اللي شلت...
واصغر من أني ما أموت..
واحرث عيون اللي سروا صوبك وخلوني.
ذبي قيودٍ.... من ورق...
وذنبك بعَد....أزرق...
وآآنا البحر لوني..
لكن عجزت أغرق..
أوآآآآه ليته..مال...
والا غَرَب ياماااااال من آآآهته وأشرق..
ليلة غيابك ماتبي مثلي ولا مثلك.
لكن غصب نبقى لين الورق يطلق...
من راحته " يدين...
يدٍ لـ اجل تلويحتك...
ويدٍ لـ اجل يدك..
...

خليل الشهري

بـنـت الـنــور