ماهي غريبة من يذمك يماشيك لكن غريبة يمدحك من يذمك

تَعَبت أشيل الهَم عنّك وأداريك
وإنتَ همومي ثقلَهَا ما يهمِّك




لا يا حبيبي .. الزمن لا يخليك
تقسى على قلبي وتسقيه سِمِّك




دنياك هذي , لا تغيِّر مباديك
مهما إستطعت الظلم إعدل بحكمك




ما هي غريبه من يذمِّك يماشيك
لكن غريبه يمدحك من يذمِّك !!




ما كل واحد غاب معناه ناسيك
بعض البشر ينساك لو كان يمِّك




أدري تعزني .. اله يعز غاليك
وإن كان لي عندك معزَّه بضمك




في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك




إسمك حبيبي ويا كثِرها أساميك
وقلبي يفز .. لا جابوا الناس إسمك




ليتك تحس في ضيقتي يوم أحاتيك
أحرق لك أعصابي .. وما حَس دمِّك




غايب بدون أعذار .. ربِّي يجازيك
عطني سب مُقنع حبيبي .. وألمك




همِّك , جنونك , ضحكتك , كل ما فيك
صوتك , سكوتك , وأرجع أقول: همِّك




طيشك , عنادك , لما تزعل وأراضيك
ترسم ملامح ضحكتي .. وتمحي رسمك




[ لبيه ] منِّك غير .. لمَّا أناديك
كن الكلام العَذب ... مرساه فمِّك




مهما غلوك قلوب ناسٍ حواليك
أغليك أكثر منِّهُم بس .. لعلمك




أبوك , خالك , إختك , أخوك , ماضيك
ربعك ، جميع الناس , وعيال عمِّك




شايف غلاهم لِك .. أكثر أنا أغليك
والِّي وِصَل ( نِص الغلا ) يمكن.. أمّك

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>