12-21-2011, 03:16 AM
|
#1 | |
 
|
ياكثر ما نسمع من الناس بالناس
قصيـــدة ياكثر ما نسمع من الناس بالناس
ياكثر ما نسمع من الناس بالناس وياقل مانلقى الحقيقة مشده نسمع سوالف تنحكي مالها ساس هرجن يقال ويثبت الحال ضده ناسن تحد لبعضها روس الأمواس بالهرج بنيان الموده تهده كلن يقيس الناس منهم بمقياس على المصالح بغضهم والموده أجسام ناس بلا ضماير ولا احساس عن كل خير من الفعايل مصده بنوا تعاملهم على غش وادناس من الوحوش اخلاقهم مستمده الي يجاملهم على العين والراس غالي ولااحدن عن لزومه يرده والي يعارضهم له السم بالكاس وألم ويلقى عندهم كل شده ومن قال كلمة حق يحقر وينداس كلن على المكروه وده يحده ما للصريح بمجلس القوم مجلاس الكل دونه باب بيته يسده حتى القريب بصدته مايرى باس لو هو ولد عمه شريكه بجده ولولا بقايا ناس لطيب حراس لقول ماش اليوم خيرن نعده وقتن طغى فيه التنك وأختفى الماس والتيس ياخذبه على الذيب هده حكم من اللي قسم الناس لاجناس والأمر لله مبتداه ومرده يارب عدلها قبل ياقع الفاس بالراس وقبل شيطان حبله لا يمده تحيـــــــاااااتـــــي لكــــم ((** أبـــوغــــــــــــــلاااااااااء **)) |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
