-*™£ منتدى آل شراحيل بفيفاء£™*-

قل لي بس احبك

قلت
( قل لي بس أحبك ...!! )

قالت

( مابي ...! )

قلت
( ليش ...؟! )

قالت
( كيفي ...! )
وأشر بكفه لرمشه

قلت
( وش ذا...؟! )

قالت
( سيفي ...! )

قلت
( مايحتاج سيف ...!
ميتٍ من يوم شفتك ... يافديتك رد سيفك ...!
ناشفٍ دمي على حافت لهاتك ...!! )

قالت
( أعرفك شاعر... ومجنون... وبياع الكلام ...!
وانا مايمشي على قلبي قصيدك لوأموت ...! )

قلت
( بسم الله عليك ...! لو تموت انا اموت
بس تدري ...؟! )

قالت
( ايش ...؟! )

قلت
( أنا مجنون توت ...! )

قالت
( كيـــف ...؟! )

قلت
( دمك ...! )

قالت
( دمي ...؟! والله لو تشرب تموت ...! )

قلت
( بس أشرب ....
وأشرب ...
وأشرب ...!!
وعقبها تدري من اللي يابعد عمري يموت ...! )

قالت
( أووووووووووووووف ...
واثق بنفسك كثييييير ...!!
ياخطير ...!!
إنت منهو ...؟!
إنت حيا الله شاعر ...
أو شويعر ...!!
إنت بياع القصائد
تشتري قلوب البنات
وآخرتها بكلمتين ... كلها كذب وشتات ...!!
من يقول إني كذا...؟!
لا...حبيبي ...
أنا ماني أي بنت ...!!
وانا خدي ... بألف خد
وإسئل خدود البنات
وأنا قدي ... بألف قد ...
وإسئل قدود البنات
وانا يوم أغمز بعيني للزهر يذبل حياء
وأنا يوم أضحك بسني تحترق عينك ضياء ...!!
كل شعرك ماوصف مبروم خصري ...
وأنت تدري ...!!
أنت من جدك تكلم ...؟! )

قلت
( ايش ...؟! )

قالت
( تشتري قلبي بقصيدة ...؟!
تشتري أحلى البنات بــ بيت وجد ...!!
تحسب إن سعر البنيّة كم بيت من الغزل ...؟!
تكتب إنك حيل تسهر وأنت نايم ... آه ... يادمك ...!!
تكتب إن دمعت عيونك فوق خدك وأنت تضحك ...؟! ... آه ... يا بارد ...!
تكتب إنك ماتبي غيري أحد
وأنت عندك ألف وجه ...!! ... ضف وجهك ...!
والله لو تكتب إلى يوم القيامة ... ما أصدق ...
الشعر اصلاً كلام ...
والفعل غير الكلام ...!! )

قلت
( كااااافي ...! )

قالت
( توك ...
ما وصلك إلا عوافي ...
انا في صدري كثير بس مابي أجرحك ...! )

قلت
( وآخرها فديتك ...؟! )

قالت
( خليني بحالي )

قلت
( مقدر ...؟! )

قالت
( من جدك تكلم ...؟! )

قلت
( من جدي ياعمي ... وتاج راسي ...! )

قالت
( يعني ...؟! )

قلت
( قل لي بس أحبك )

قالت
( مابي ...! )
وإبتسم
والغنج فيه إرتسم ...
وامتلى دم

قالت
( تدري ...؟! )

قلت
( سم ..؟! )

قالت
( احبك موووووووت
موووووووووت
موووووووت
بس تكتب بي قصيدة ...! )

قلت
( الشعر كله كذب )

قالت
( لكنه عذب )

قلت
( مو قلتي كلام ... وحكي فاضي ...! )

قالت
( ماعليك من البنات
لاتصدق حكيهم ...
لو عكست اللي يقولونه لقيت إنه صحيح )

قلت
( والله )

قالت
( يووووووووووووه
مرة تحرجني فديتك ...
بس احبك )

قلت
( كاااااافي )

قالت
( مابـــــــــــــــــــــــــي ...! )