احذروا من اللاب توب الكاميرا
 

نصيحة لكم من أعماق قلبي ..
اضغط على الصورة لفتحها بصفحة مستقلة



‏تعرفون ان في الفتره هذه انتشرت اللابتوبات اللي فيها كاميرا
‏واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
‏يشغل الكاميرا بالمسنجر او السكايبي وانت ما تدري
‏يعني راعي البرنامج يدخل عليك ويشوفك وانت تحسب كاميرتك طافيه
‏والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< ‏هذه ميزة بمسنجر بلس
واللي خلاني اكتب الموضوع هالسالفة :
‏يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
‏وشفته مبين عليه الهم والغم والدنيا مو شايلته
‏سالته وش فيك ؟
وقالي سمعت عن البرنامج اللي يشغل كاميرا النت
‏قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
‏ورحت اتروش ورجعت ابدل بغرفتي <<< ‏يعني كان عريان <<
‏يقول شويه واسمع صوت المسن اللي يطلع لو احد كتب لك كلام
‏ولما دخلت الا واحد يقولي شخبارك ومن هالكلام
‏وما امداه اخذ دقيقتين الا يقولي بوريك شيء .. ‏مقطع فيديو
‏خويي تحمس وجا يبي يطالع الا المسكين شاف نفسه وهو يبدل
‏يقول خويي الحمد لله ما اغمي علي ولما اخذ وعطى
‏الولد قاله اذا ما تبي المقطع ينتشر ادفع لي 1000 ‏ريال شحن سوا ترسلها لي
‏طبعن خويي ما وافق لانه عارف ان الولد بيرجع له مرة وثنتين و3
‏الولد للاسف عمره 21 ‏وعاطل ومو هامه احد

حتى لما خويي قاله اتق الله فيني قاله مو شغلي ولا تفتحلي مواضيع دين
‏المهم ان الولد مهدد انه ينتشر المقطع
‏وخويي لما امس وهو مصدوم وحالته حاله وخايف
‏والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
‏غطوها بورقه او كسروها وجيبو وحده خارجية
‏او حطو عليها علك <<< ‏الاخيرة فكرة هنود ما تلاحظون
‏حبيت أنبهكم وبس والباقي عليكم
‏الله يستر على خويي يارب
‏الله يعدم جهاز الولد راعي البرنامج
‏والله يهديه او ياخذ روحه ويفك الناس من شره
‏قولو امين.
منقول من واحد ونقلته علشان الحذر
وتقبلوا تحياتي

شكراً لكم على هذه المشاركه
http://www.dohaup.com/up/2009-07-26/..._489910151.gif
تقبلوا مروري المتواضع
لكم ودي وعبير وردي
http://file14.9q9q.net/img/79812159/85.jpg

رد: احذروا من اللاب توب الكاميرا
 

شكرا لمرورك العطر
لك مني فائق الحب والاحترام

رد: احذروا من اللاب توب الكاميرا
 

بصراحة يا اخوان كثرت مشاكل هالكاميرات والنت والشات والجوالات
لكن نسأل الله السلامة ومن توكل على الله فهو حسبه
وبعدين انا اسمع عن ابتزاز الفتيات لكن أول مره اسمع بابتزاز الشباب


بارك الله فيك اخي ناقل الخبر
والله لا يحرمنا منك ومن نصايحك

رد: احذروا من اللاب توب الكاميرا
 

موضوع جميل وتحصل مثل هذه الحالات فالكل يحذر من هذه التقنيه

شـكــ وبارك الله فيك ـــرا لك ... لك مني أجمل تحية .

رد: احذروا من اللاب توب الكاميرا
 

رد: احذروا من اللاب توب الكاميرا
 

الله يخارجنا ويستر علينا وعلى اولاد وبنات المسلمين يارب
بس تدرون وشلون مسوي انا باكام الاب بتاعي هههههههههه
خذيت شريط لاصق ووضعت فيه قطعه فاين وألصقتها على
الكام الاحتياط واجب عاد اذا دخل وطلعها نتفاهم انا وياه وقتها
ههههههههههههههههه
الله يعطيك العااافيه اخوي على هذا الطر وهذا التنبيه موضوع
جميل ومتميز بارك الله فيك ولا تحرمنا روائع ذائقتك
تحياتي وحترامي لك

رد: احذروا من اللاب توب الكاميرا
 

الله يستر على شباب المسلمين
شكرا لك اخي