-*™£ منتدى آل شراحيل بفيفاء£™*- - على آخر طعونك فديتك ..!! بشكرك

- - على آخر طعونك فديتك ..!! بشكرك (http://www.sh22r.com/vb/sh22r42773/)

على آخر طعونك فديتك ..!! بشكرك

[table1="width:95%;background-color:black;border:6px double firebrick;"]

من بعـد ما كنت احسبنّي نسيتك

مدري اشجابك على البال وذكرتك ؟؟

ولا وعيت إلاّ وانا قدّام بيتك !!

ماتقول انّي قبل مدة هجرتك ؟!

ذا مكانـي .. لاغـفـى الليل وسريتـك

شف ّ كم لي .. ما سريت ولا سهرتك ؟

وذا مكانك .. لا تضايقت وجفيتك

وشف ّ كم لك .. ماترجّيـت وعذرتك ؟

وذا مكان قلوبنا .. لحظة هويتك

فيه عمري اختصرته واختصرتك

واقـف .. وكنّي من احزاني بنيتك

(جسر) .. مابين الزمانين وعبرتك !!

آتذكّـر .. وش خذيت ووش عطيتك

يـوم كنت انقاض وبحبي عمرتـك

وآتـذكّـر .. سـاعة انهـوك وبديتك

كيف بجروحي عن جروحي سترتك !!

وكيـف بعـت احلام عمري واشتريتك

وكيف كنت اشنع هزيمة وانتصرتك

وكيف كنت الملـح ..لكني رويتك !!

وكيف كنت الزيف .. لكني ذخرتك !!

ادري اني جد ّ.. من قلبي بغيتك

وادري انّي رغم كل هذا خسرتك

انتظرتك .. ( عمر ) حتى اني لقيتك

والقهر مدري على ويش .. انتظرتك !!

كنت احبك .. كنت !! لكني سليتك

وما بقى سلمته الريح ونثرتك

وانت لاا تزعل اليا مني رثيتك

بعـد ما خنت وتوفيت وقبرتك !!

والله اني .. لاحزنت ولا بكيتك

مثل ما عمّرتك بقلبي دمرتك

بس تدري ليش عقب غياب جيتك ؟

واهتـدت رجلي على بيتـك وزرتك؟؟

بشكرك .. على آخر طعونك فديتك

ليلة فراقك .. نسيت !! وما شكرتك !!