يَمههِ : ضِمينيَ لـِ صِدرككِ ثمِاَنينِ ضمهةةِ =( ..

يمه عساني ما أزعجتـك يـا يمـه
أحس في صدري عـذاب وحريقـه

يضمني حزني وأنا حيـل أضمـه
كنه ضناي وشوفته شـوف ضيقـه

يمه وأنـا ولدك وإذا قلـت يمـه
شوفي لحزنـي والمواجـع طريقـه

ضميني لصـدرك ثمانيـن ضمـه
ضمة عشيـق ٍ مايفـارق عشيقـه

وكانك سألتي خاطري ويش هم
بعلمـك وأبـي جـواب الحقيـقـه

ليه الزمن اليـوم مافيـه ذمـه؟!!
وليه الطعون اللي بظهري عميقه ؟!!

وليه البنت تبوق في ولد عمها ؟!! .
وليه الرفيق يخون عشرة رفيقه ؟!!

وليه أنخدع في ناس كانت مهمه ؟!!
ويوم أكتشفها وهم ماله حقيقـه ؟!!

وليه الذي وقت الرخـا كـان قمـه
وقت الشدايد مالقينا طريقـه ؟!!

وليه الحسد يمي من عيون عمه ؟!!
ليه الخطا لو قلت كلمة رقيقـه ؟!!

أزيـد يمـه ولا كافـي مغمـه ؟!!
أشوف عينك مـن هماهـا غريقـه

يمـه دخيلـك آسـف آآه يـمـه
كنـي جرحتـك وأنـتـي أغــلا رفيقه