-*™£ منتدى آل شراحيل بفيفاء£™*-

القصة

كان الملك عبد العزيز رحمة الله عليه من عشاق القنص
وفي احد رحلاته للقنص ذهب معه نافع بن فضيله
وهو لا يعرف القنص بالطير ولم يكن الملك يعلم بذلك
وقال له الملك خذ معك طير تقنص فيه فرد عليه نافع
باني لا اعرف القنص بالطير فغضب منه الملك
وقال لطباخه ويدعى نصار خذه معك واتركه مع القدور والحمله
ورد عليه نافع بهذه القصيده :

القصيدة
.
.
.
.

ياشيخ ياللي من صواريم سنجار=عساك تبطي ما تطـب القبـوري
عساك ما تعرض على واهج النار=الله يجيرك من جميع العثـوري
تقـول وده ياولـد يـم نصـار=عقب الجنيبه صرت بين القدوري
لاني بصقـار ولا بـوي صقـار=ولاني من اللي ينقلون الطيوري
حنا صقارتنا على جيش وامهار=اللي مواقفنـا تسـد النحـوري
انا رفيقك يوم نصف العرب بـار=ولاني من اللي بالمعزب يبـوري

ولما سمع القصيده الملك اعطاه هدية جزله
وكان الملك عبد العزيز كثير المزح مع نافع وفي احد ردياتهم
قال له الملك

لاعاد لاتصقر ولا انته بشواف=نقلك عليه من كبار البـلاوي

وسلامتكم
اتمنى تنال اعجابكم