-*™£ منتدى آل شراحيل بفيفاء£™*-

لا تحاول تختبرني الصّبر واصل لحدّه
والغرام اللي سكني واصلٍ حدّ الجنوني

ضايقٍ صدري حبيبي صار لي فاقدك مِدّه
كل يوم آقول بكره تفرح بشوفك عيوني

خذ شعوري في يدينك خله يبكي ثم هَدّه
ودّي يستشعر حنانك / دمعٍ أتعب لي جفوني

آتحرى كل ليله وصل يهدم فيّ سدّه
ثم يفاجأني سكوتٍ بعثر الصمت بسكوني

تدري إنّه كل ليله يبلل الدمع المخدّه
وتدري الأحلام يمّك غصب عني ياخذوني

شي طبيعي دام أودك ودّ مو أيّة مودّه
حتى ما ودّي الثواني عن وجودك يبعدوني

تدري إن الصبر منّك كنت من قبل آستمدّه
بس أشوف الوقت يبخل والدقايق حيروني

عطني بالأسبوع ساعه تكفى قلبي لاتردّه
تكفى ملتني الزوايا والأماني عذبوني

والحزن هاللي تشوفه واضعٍ يدي بيدّه
قام يسحبني غصيبه .. لين يديه اجرحوني

هذا قصرٍ لك بنيته كان ماتبغاه هِدّه
وخذ عيوني لك هديه .. دون شوفك مايبوني

مممما راق لي