-*™£ منتدى آل شراحيل بفيفاء£™*-

حبيبي ماكفاني في الحضور الصوت والصورة
ولا طفت لهيب الشوق ثنتينٍ تحلاني

سقا الله ليلةٍ فيها القمر غاب وطفى نورة
بعد ماسلمك يانور ليلي وجهه الثاني

سقا الله يوم كان الحب غصنٍ نقطف زهورة
عسى الريح اللي اومت به تنام .. ويسعد الجاني

حبيبي.. علها تكبر جروحٍ منك مغمورة
نصيبٍ جابني لك..بأتجاه الشمس وداني

ذخرت اغلى شعور .. وكل خفاق ومذخورة
لعينك يالجريح المستريح القاصي الداني

وشلتك داخل الوجدان حملٍ لذ لي جورة
ولو اشغلتني واشغلت بي تفكير خلاني

اب اولع لك الدنيا قصايد عشق منثورة
واب اعزف بك نغم للحب ياقيثارة الحاني

عليك عيون ناس وكل قلبٍ ضاق بشعورة
تمنتك العيون .. وجيت ياعيني تمناني

أحبك .. كيف ماأحبك ..وانا اللي لك بنى سورة
على جمرٍ .. يدفي بارد اشجانك من اشجاني

حبيبي .. والمشاعر فيك مختالة ومغرورة
تدلل.. وانت في ساحة غلاي اليوم وحداني

واذا ملت خطاك الدرب .. مسموحة ومعذورة
تناساني ..دخيل الحب.. لوتقدر تناساني.