-*™£ منتدى آل شراحيل بفيفاء£™*-

- - الشوق .. (http://www.sh22r.com/vb/sh22r49754/)

الشوق .. ماله عمر يفنى وينعاد
له في الضلوع إن عاد و إن غاب رجفة

مع كل فرقى له ورى الجفن ميلاد
وإن ماتت الفرقى لقى الشوق حتفه

جيت أقتل الفرقى من بلاد لبلاد
مل الطريق يشيلني فوق كتفه

وأنا بعد مليت من كثر ما أرتاد
هالشارع اللي كان لك فيه شرفه

‏تظما عيوني شوفك وتشبع سهاد
عيا الزمن يقطع ظماها برشفة

لا وجهك أسقاها ولا ذاقت رقاد
ما غير طيفك .. طيفك اللي أعرفه

كنه ظبي وعيوني ظلال صياد
يجفل قبل يرتد للجفن طرفه

مشكلته إنه كل ما إشتقت يزداد
حتى ملا جدران وقتي وسقفه

‏وأصبحت أشوفه فأول الغيث لا جاد
وفي أقصى الشفق لا طاحت الشمس خلفه

وفي الأرض لا نامت عقب صوت رعاد
وفي كل شباك صحت منه درفه

أتعبت طيفك لوم واللوم ما فاد
ويوم الأمل في شوفتك مات نصفه

نويت أسافر عنك بجروح" جداد
وعمرٍ من أوراق الزمن حان قطفه

‏نويت لكن جابني الشوق منقاد
وجابك حنينك والزمن سال عطفه

وشفتك تبسم لي خجل مدري عناد
وفي نظرتك شوق من الظلم وصفه

حسيت كني طفل وعيونك أعياد
يا عيدي اللي لك ورى الصدر رجفه

سم اللقاء صدفة وأسميه ميعاد
أنا أنتظرتك وأنت مريت صدفة

راقت لي اتمنى أن تروق لكم

مع ودي وتقديري

الحريصي

رد: الشوق ..

وراقت لي كثيرا
ابدعت في الانتقاء فاضلي
الله يحفظك يااارب

رد: الشوق ..

يعطيك العافيه لطرحك الراقي
على روعة طرحك القيم
بارك الله فيك واسعدك يارب"

رد: الشوق ..

حسيت كني طفل وعيونك أعياد
يا عيدي اللي لك ورى الصدر رجفه

رؤؤؤؤؤؤؤعه اخوي الحريصي .................

ننتظر جديدكـــ ............تقبل خالص تحياتي..............

رد: الشوق ..

لاهنت يعطيك العافيه على طرح هذه
القصيده التي تخطت عنان السماء
بروعتها وبريقها ابيات اكتست
بالجماليه وتحلت بالإبداع
دام نبض قلمك اعجبتنا
وحازت على رضانا
ودي واحترامي

رد: الشوق ..

الشوق .. ماله عمر يفنى وينعاد
له في الضلوع إن عاد و إن غاب رجفة

صدقت وصدق الشاعر
الشوق ممتد ماينتهي

تحياتي

رد: الشوق ..

تسلمون شكراً لكم جميعاً
اسعدني مروركم..
دمتم بخير.