08-17-2013, 09:09 PM
|
#1 | |
|
مجلس الادارة
|
نتكلم بصراحه ..... وبدون زعل
بسم الله الرحمن الرحيم
السلام عليكم ورحمة الله وبركاته نتكلم بصراحه ..... وبدون زعل تسمحولي اتكلم بصراحه مع اني واثقه ان النساء راح تزعل مني بس لو فهمت مقصدي اكيد راح تشكرني الوحده اول ما تتزوج يكون زوجها محور اهتمامها تلبس وتتشيك وتتعطر وتشم ريحه البيت من مدخل العماره يفوح بعطرها تستناه وهو راجع من العمل بكاسه عصير تنسيه هم الدوام وقومته من الفجر وتجهز غداه وتتفنن في رضاه على اكمل وجه تبدا اول ما تخلف وتجيب اول بيبي تبدا في اهماله طبعا بدون قصد يرجع من الدوام يلاقيها لسه في المطبخ الاكل ما خلص واذا ما عندها شغاله تسمع صراخ البيبي شايل الدنيا يبغى مين يسعفه ويشيله طبعا انا ما الومها بس لو نظمت نفسها راح تلاقي اكيد حل طبعا بعد كم سنه يبدأ الاولاد يكثروا في البيت ويكبروا وتزيد مسؤليتهم وكل دا على حساب تعب الام وتعاسه الاب كل ما حس بتقصير من ناحيتها صرخت يعني تبغاني اركب ايادي ورجول عشان اخدمكم كلكم وحتى لو جاب شغاله تلاقيها موظفه وترجع من دوامها مهلوكه ويبغالها من يعملها مساج عشان تسترخي واذا طلب حقوقه الزوجيه يوووووه الف سبب لحرمانه تعبانه ... بكرا ورايا دوام... انت ما تشبع هو كل يوم ... شعري مسشكور ما عندي استعداد اخربه... مهدود حيلي من مذاكره اولادك ... بس لو وحده من صاحباتها قالتلها عندي سهره والا جمعه حطت الطويله على القصيره وخرجت في ابهى حله عشان الصاحبات لا يقولوا من يوم ما جابت الاولاد اتدهملت وكل دا والزوج صابر وما يفكر يتزوج ؟؟؟؟ ياعشان عيب اولادي كبروا ... عشانها بنت عمي ... اهلي يحبوها ... بعد العمر دا الناس ايش تقول عليا ... طيب جلس معاها وقالها انا انسان دخليني في جدولك حسسيني انك لسه تحبيني خلينا نسافر يومين نغير جو وروتين البيت ترد هي والله انك مراهق ... شوف اولادك في طولك ... اللي زيك يحمد ربه ويجلس على سجاده مو يدور حب ورومنسيه ... طبعا انا ما اقول الكل ولا اظلم احد بس والله الذي لا اله الا هو كل اللي ذكرته كنت اسمعه من اصحابه سواء رجال او حريم من العائله ومن برا حبيبتي الرجال اذا كبر يحس نفسه طفل ومراهق خصوصا الايام دي فضائيات ....انتر نت وبعد ما انتشرت وسائل التعارف من كل انحاء العالم يعني بالله عليكي لو شميتي خبر ان زوجك بيفكر انه يتزوج اكيد راح تقوم قيامته الشايب يبغى يتزوج بعد العمر دا عليا هزُلت... يشوفله قبر يضمه بدل ما بيت يلمه... والامثال كثيره ؟؟؟؟؟؟؟؟؟؟؟؟ نصيحه حااااااااااافظي على زوجك هو ابقالك من اولادك بكرا كل واحد يتزوج فيهم وتنسيه مشاكل الحياه امه وابوه بكرا ينسى امه ويفتكر قلب ضمه يارب اكون قدرت اوصلك جزء انت غافله عنه واتمنى النساء والبنات ما يزعلوا مني هذه حقيقه واذا مو انتي المعنيه طالعي حواليكي تلاقي امك.. خالتك.. جارتكم.. صديقه والله موجود وانا ما اتكلمت من فراغ سامحوني على الاطاله الموضوع منقول للفائدة 
|
|
 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
العرض العادي
