جملة ايامي اعياد..
 

جملة ايامي اعياد

وين انت غايب ما لقيتك بهالعيد
ياللي بقربك جملة ايامي اعيــاد

العيـد يوم يطل مـا فيه تجديــد
الا غـلاك اللـي مع الوقت يـزداد

والله لو تدري وش عـروقي تريد
مـا تترك ايدينك عن ايديني بعــاد

ما قلت بشفاهك عسى عيدك سعيد
واحس بـاقي فرحـة العيد تنعـــاد

الله كم كان اهتمـامك به يـزيـــد
وتســوي من العيـد للعمـر ميلاد

يامـا صنعنا من يدينـــا تقاليــد
ويامـا تبادلنا الهدايـا والاسـعاد

واليـوم خليت التهانـي تنـاهيـد
شحيت بالحلوى على مر الاكباد

دقــات قلبـي رتبت لك مواعيــد
ولبست لك من شوقي ثياب اجداد

دورت لك بين الغنـا والزغاريـــد
ولمحت طيفك بين الأعين والاجساد

قطفت له من تحت صدري عناقيد
عيدية تغني عن الشـرب والـزاد

غنيت بغايبك من الوجــد اناشيد
حتى الاماني ملت من التوجــاد

لاسمك بصدري صرخة تقطع البيد
كتمتها من خـوف شـامت وحسـاد

يا اجمل عطر له في زواياي تغريد
يا اعذب غلا شاعر عن رضاك نشاد

قبل الامل تظهر عليه التجــاعيـد
ميل وانا بفـرش لك الروح سجـاد

تبي الصراحـه ما تهنيت بالعيـد
عيد بدونك يا هوى البال لا عـاد

رد: جملة ايامي اعياد..
 

تتراقص النجوم طرباً على أنغام معزوفتك
كلمات تتقاطر عذوبة وجمالاً
لهمسك شموخ ولحرفك نقاء
لك ولرقي همسك باقة جوري
ننتظر جديدك بشوق
احترامي وتقديري

رد: جملة ايامي اعياد..
 

رد: جملة ايامي اعياد..
 

~~~يا اجمل عطر له في زواياي تغريد
يا اعذب غلا شاعر عن رضاك نشاد~~~

ابدعتت فأمتعت وفي القلوب اسكنت البهجات...................

واصل فالابداع ينتظر المزيد.................

تقبل ودي واحترامي...............

رد: جملة ايامي اعياد..