تجيني طيف..
 

تجيني طيف ..
وامرر بالهوا يدّي ..
أحاول امسكك لكن ..!
ابعرف .. كيف ؟
وانا بعدك .. وطن يبكي
جفوه الناس ؟؟
سكن فيه الخريف وكان يتساقط
من أغصان الشجر .. حزن / وحنين / وياس
وكان الناي / صوت الريح
إذا غنى
يطيح الليل في حضن السما يجهش
وتتهاوى النجوم تصيح ..!
واشوفك حلم من غبتي ..
واحس ان كل شي انتي
وآخيلك في الظلام / الضي
بدونك .. كل شي [ لا / شي ]
ومن صارت جروحي شمس
وانتي غايبه عني
وانا .. ما عاد فيني فَي
كثر ما كانت أحزاني تغازلني
وترضيني ..
إذا الأفراح بكتني من الحرمان / تبكيني
كثر ما أشعرك فيني ..
وأعيشك في غيابك زيف
ويلبسني الشتا معطف ..
وادوّر للدفا عنك / بفصل الصيف !
( تجيني طيف )
وامرر بالهواء يدّي
أحاول ألمسك لكن ..
ابعرف .. كيف ؟؟
ابعرف .. كيف ؟؟

رد: تجيني طيف..
 

رد: تجيني طيف..
 

شكراً حنان الكون
لتواجدكِ الرائع هنا لا عدمت
هذا المرور الطيب..
دمتِ بخير وفي خير.

رد: تجيني طيف..