-*™£ منتدى آل شراحيل بفيفاء£™*- - ودي اشوفه واتهنى بلقياه.

وجدي على اللي داخل الروح سكناه
اللي تولّى كل شي فخيالي

ذكراه ماغابت ولا اظن ابنساه
ولا قيل من مثلي مع البعد سالي

محجر عيوني من فراقه نثر ماه
ومن لامني باقول مالك ومالي

غروٍ يعذب عشق مثله وشرواه
وقبلي ضحايا عشق,, ماني لحالي

يامل قلبي كل ما جيب طرياه
تسارعت دقات نبضه توالي

وذكرت له حسنٍ يباري سجاياه
مبهر بمقدار ديمه,, دلالي

أبيض يغار البدر لا لاح مرآاه
ينزل يشوف صنوف زين وجمالي

(من مفرق الهامه إلى حد ماطاه)
ماشيف مثله بين اول وتالي

ودي اشوفه واتهنى بلقياه
واعيد وقتي اللي مضى والليالي

واسكـنْه عيني وافتح القلب لاقصاه
وابيْـح سدٍ قد صلته الصوالي

واقضي حياتي كلها مااتعداه
ويصير باقي العمر باقي حلالي

لكن محال يزين وقتي بلاماه
هذا القدر والله كتبه إنفصالي

م/ن
عابرسبيل

http://sl.glitter-graphics.net/pub/1...ecnjls563n.gif