-*™£ منتدى آل شراحيل بفيفاء£™*- - ترا اللسان أحيان ينكب له إنسان

- - ترا اللسان أحيان ينكب له إنسان (http://www.sh22r.com/vb/sh22r51532/)

ترا اللسان أحيان ينكب له إنسان

ترا اللسان أحيان ينكب له إنسان
وكم واحدٍ جت نكبته من لسانـه
وترا اللسان أحيان يكون ثعبــان
له لدغةٍ خطره وفيها عفانــــه
وترا اللسان حصان يبغى له عنان
ويورط اللي ما يجوّد عنانـــــه
ويحتاج له في كل الأوقات ميزان
ميزان عدل ولا تجيه الخيانــــه
ميزان عدلٍ معتدل كل الأحيــــان
وكل الجوارح تعتبر كالأمانــــه
وكم واحدٍ قد ورطه غلطة لسان
وكم واحدٍ غره لسانه وهانــــه
ويا كم لسانٍ زل راعيه وإنهان
وقال المثل كلٍ لسانه حصانــــه
ومن يستمع لفلان ويصدق فلان
تلقاه دايم متعبٍ في زمانـــــــــه
والهرج يرضي أحيان ويزعّل أحيان
ويحتاج له حكمة ومعها فطانـــه
ويا شين هرجٍ ما يجي فيه ثبتان
ويا زين هرجٍ ينوجد في مكانــــه
ويا شينها لا قالوا فلان غلطــان
ويا زين من جوّد لسانه وصانــــه
والهرج يحصل فيه زودٍ ونقصان
ولا خير في هرجٍ قليلٍ إحسانــــه
والصدق يطلع له حقيقة وبرهان
وكلٍ يبين وينعرف وش كيانـــــه
ويعرف مجال الصدق من غير عنوان
والكذب يعرَف في مجاله جبانــــه
ودايم مجال الكذب راعيه جَبَان
مثل الحصيني مير عنده ذهانــــه
دايم طويل لسان ولا يقضي الشان
يدرج لسانه كنّه الإسطوانــــــــه
وتلقاه في كل المواضيع خسران
وليا نصحته زاد في عنفوانــــــــه
ما فيه طيرٍ طار من غير جنحان
وليا انكسر حدا الجناحين خانـــه
والرابح اللي منهجه ركن الإحسان
الصادق اللي منهج الصدق شانــــه