ياهل الشاصات ماعاد من صوبي عذر.
 

ياهل الشاصات ماعاد من صوبي عذر
ساعتي ميعادها حان يا مال اللقا

وصلوني جعلكم ماتشوفون الكدر
العرب من يكسب الطيب قالو اموفقا

ديرة المزيون حدرى وانا قلبي حدر
حي والله ديرته حي ذاك المفرقا

بوجبين كنه النور في ليل الغدر
والعيون الي عليها الفواد امعلقا

والجديل ليا تمثنى على متن وصدر
صرت في وضعنٍ خطيرٍ وحالنٍ امحقا

والبلا والموت مطوي على ردف وخصر
لااقبلت يمي ترحب وانا اقول البقا

ياحبيبي راحت اعمارناوالله هدر
لاتغانمنا الليالي ولا الوقت اشفقا

والعرب فيهم صديقٍ وبو جهٍ ودر
ماتميز ذا عدون وهذولا اصدقا

عابرسبيلღ

رد: ياهل الشاصات ماعاد من صوبي عذر.