ماكل من ضاقت بك الارض تلقاه.
 

ماكل من ضاقت بك الارض تلقاه
ولا كل رجلٍ فالمساري ،، دليله
رجلٍ ليامن طحت شالك بيمناه
هذاك لا من طاح،، واجب تشيله
بعض الرجال ان جيته بشي تنخاه
تنعاف نخوات ،، النفوس الثقيله
رجلٍ يسوي مشكلة كل من جاه
و رجلٍ يولع فالمشاكل ،، فتيله
و رجلٍ على جور الزمن حق تنصاه
و رجلٍ ،، تدور فاللزايم بديله
و رجلٍ لك ابوقت الثقيلات مركاه
و رجلٍ على اتفه شي ماترتكيله
و رجلٍ على الفزعات ياتي من اقصاه
و رجلٍ على الفزعات ، ياعزتيله
و رجلٍ على جور الزمن ماتهقواه
و رجلٍ على الوقفات يسوى قبيله
و رجلٍ يدسم شارب الضيف لاجاه
كلمة نعم في حق مثله ،، قليله
و رجلٍ بماجوب العرب تقصر خطاه
شال الردى ، من فعلته في شليله
و رجلٍ يموت وطاري الطيب يحداه
ورجلٍ من افعاله،، يجر الفشيله
و رجلٍ يشيله منصبه ويتعداه
ورجل يشيل المرتبه ماتشيله
و اللي زرع للنعم محصول يلقاه
لو مابحثها ،، فالمواقف تجيله

عابرسبيلღ

رد: ماكل من ضاقت بك الارض تلقاه.