-*™£ منتدى آل شراحيل بفيفاء£™*-

- - معذور قلبي (http://www.sh22r.com/vb/sh22r6180/)

معذور قلبي

أعظم(وجع)بالحب لاصرت تشتاق
للي تحب ولا أنت قادر تشوفه!
يكويك "جمرٍ" داخل القلـب حـرّاق
زود ٍعلى نـاره تهـدّك طيوفـه

لا مرّ بعيونك كمـا نـوض بـرّاق
مالـك مجـال إلاّ تسايـر ظروفـه
ياحبيبي لو بينـي وبينـك آفـاق
نفسي معك في كـل حالـة شغوفـه
ما كنت "قبلك" خلف الإحساس أنساق
وإن شفت درب الحب أسكت وأطوفه
لين جاني منعطف سيـل الأشـواق
بأمر الغرام اللي سطت بي سيوفـه
قاومت لكن ! خافي الحب ماطـاق
صابه صمود ٍ زلزل أجزاء خوفـه
بغيت أردّه بس حسيـت بإخفـاق !
في لحظة ٍ"مـد" لـكفوفـك كفوفـه
جا لك ولا كنت أحسب الحب دفـاق
لين أغرق الخافق وسال بـنزوفـه
أثْـر المحبـة نبضهـا دوم سـرّاق
دمي وهو دمي بجسمـي تحوفـه

حاولت أداري حب قلبي بـالأوراق
وأثْر الورق ماهي أمينـة حروفـه
سلّ المشاعر من متاهات الأعمـاق
وأصبح يفسرّ كل وضـع بوصوفـه
يكتب تقارير الغلا وقـت الإشـراق
وعند المسا يعطيك باقـي كشوفـه
يا"جامع" ٍ حنيّـة الكـون بأخـلاق
معذور قلبـي لـو يضمـك بجوفـه.ْ~

رد: معذور قلبي

بو عبدالرحمن
وربي خاطره بتجنن يسلمو غلاي
وتقبل مني مرووري وردي المتواضع
أختك بنت الجنوب

رد: معذور قلبي

اختي/بنـ الجنوب ـت

تشرفت بمرورك الجميل الرائع
مشكورة يعطيك الف عافيه
تقبلي مني كل احترامي وحبي

رد: معذور قلبي

أعظم(وجع)بالحب لاصرت تشتاق
للي تحب ولا أنت قادر تشوفه!
يكويك "جمرٍ" داخل القلـب حـرّاق
زود ٍعلى نـاره تهـدّك طيوفـه
****

يا مبدع يا أبا عبد الرحمن.
تصدق نفسي أقتبس القصيدة كاملة
لكن ما عندي من الكلام ما يكفي حتى
أعلق عليها ولا أقدر أقول إلا الله
يخلي لك أحبابك ويخليك
لهم ودمت لنا ودام
إبداعك
مع تحيات
أخوك: علي سلمان
:22093ad6da2b30dbe90

رد: معذور قلبي

اخي/ علي سلمان
تشرفت بمرورك الكريم وزادني شرفاً وفخراً
الف شكر لك على مرورك الجميل
تقبل مني كل احترامي وحبي