-*™£ منتدى آل شراحيل بفيفاء£™*- - العيد شرف والحبايب بعيدين

كل عام وانتم بخير

حبيت اهدي لكم قصيده للشاعر / جارالله الشدي

بمناسبه عيد الأضحى المبارك اعاده الله علينا وعليكم بالصحه والعافيه

وأتمنى أنـهـا تنـال على أعجـابـكم

العيـد شـرّف والحبايـب بعيديـن= وقلبي يتوق متايق الطير قرنـاس
للي لهم في وسـط قلبـي مياديـن= واللي غلاهم ماله اليـوم مقيـاس
لاشك أبفرح فرحـة العيـد عيديـن= عيدي وعيدك يابعد كـل هالنـاس
الناس تفرح لابسه ثوبهـا الزيـن= وأنا في شوفـك أتـردد بالأنفـاس
أكنّها بالصـدر مـن بيـن لا بيـن= وأقولها بالصـوت وأدق الأجـراس
ماغيرك اللي تارسه محجر العيـن= وماغيرك اللي يزهي الزين بلبـاس
أنتي الوحيده من تقـود المزاييـن= وأنتي الفريده والحلا فيك مغـراس
وأنتي لا هنتي هالليالـي وبعديـن= مضرب مثل للناس من فوق الاقياس
يا بنـت شيـخٍ قايـدٍ للسلاطيـن= معرّبه من جدّهـا لآخـر السـاس
يا عقد لولو .. يا خلاصة مراجيـن= ياذا العقيق النادره بيـن الألمـاس
ياجوهره.. يـا كبريـاء العناويـن= يا جنس نادر.. فارعٍ بين الأجنـاس
يا أحلى قصيده دونت في دواويـن= كلاً قراها ..دوّنـة وسـط كـراس
ياعود غصنٍ منثني فـي بساتيـن= انتي الأميره لا ولا شيخة إحسـاس
إحساس يعني ساريـه بالشراييـن= متمكنه فيني من السـاس للـراس
في حق حبك سقتها ويـن ياويـن= شاعر وعمري فاقده فيـك يايـاس
خليت لـك قلبـي بهالعيـد قلبيـن= وأنا أتوووق متايق الطير قرنـاس

تحياتي

منقووول

__________