(حمامة فيفاء)

06-03-2009, 10:57 PM

(بسم الله الرحمن الرحيم)
السلام عليكم ورحمة الله وبركاته..

((حمامة فيفاء)) لو تكرَّمتي نوحـي
نوحك يشجّع خافق الشوق للنـوح

ودّي اجرّ الصوت لوهـو بحوحـي
وآداوي جرح ساكن القلب والـروح

بي ضيقـة بالصدرعيـت تروحـي
استوطنت في داخلي وين مـا روح

ضاق الحشى منها وكثرن جروحـي
تكوي عبايرها وانا حيـل مجـروح

عن عاذلي اخفيت سـرِّي وبوحـي
والسرِّ يذبح لا كتمته عـن البـوح.

خوفي عليه من الهموق الفضوحـي
يدري بسرِّي واصبح الصبح مفضوح

وين الذي يسمع ويفهـم و يوحـي
واليا شكيت الحال يعطيك مصلـوح

من غيرك ياحمامه يفهم شروحـي
روحي وانا بغيابك,,اليومِ بآ ’ نوح

تكفيـن ياحمامـة الـورق روحـي
لديار شوقي كامل الزيـن مملـوح

كن القمر وجهه وقلبـه سموحـي
عذب السجايا يمزج الهرج بمـزوح

قولي وهـ الخيال ـم يبكيـك ودمّـه يفوحـي
يرسم طيوفك كلِّ طيف علـى لـوح

قولي تركته فـي ديـاري ينوحـي
يقنب قنيب الذيب والصوت مبحوح

حاله تردّت والقشـر بـه يلوحـي
من صدّكم شفته من الضيم مطروح