شهيد الهوى دون الحمى صحبته خلـوه
يذوق المفـارق ,,, والمـراره يدونهـا


كتب له قصايد لين صحبه لفوه ووجـوه
على وضعه المغبون ,,, والناس محزنها


على دربها ورد العتب حطهـا المعتـوه
الين أستجن ,,, وضلوع جسمه مكفنهـا


وساعه توفـى زارتـه والبشـر زاروه
وماتت حزن ليلى وقبره علـى أيمنهـا


وأنا ذقت مـاذاق الملـوّح ليـا عـدوه
وأنا من خيار القوم والنفـس صاينهـا


لكن راعي النجل الخـدر للحـلا علـوه
زعيم الحـلا روس الرجاجيـل يرهنهـا


صغير الشفاه يطر جيبـي ليـا طـروه
عليـه الخفـوق يجّرهـا ويتهيجنـهـا


مضرى على التدليع وأهله بعد ضـروه
يمـوت الهـواوي لاصدفهـا وعاينهـا


يهـد الخفـوق معاتبـه والبشـر زادوه
عذولي هرج له هرجـةٍ عنـي وعنهـا


ترى راعي النمه من هل الوفى مكـروه
يديني عقب لمسـه كفوفـه أصوبنهـا


لأني على وضح النقا ماعشق المشبـوه
أحب النفوس الطاهـره مـن معادنهـا


يابو هرج ,, تبطي عظم تمشي ألين اتوه
نعامه وهامتهـا علـى الأرض تدفنهـا


ويامل قلبٍ عشقه اللـي يبيـه أخفـوه
وهو من قبـل قصايـد الحـب لحنهـا


الا ياهل الرنـج الحمـر كانكـم جيتـوه
أمانـه معـاكـم ياجمـاعـه مأمنـهـا


معاكم قصيده من عروق الحشا وهـدوه
وقولـو طـلال يقـول بيتيـن معلنهـا


أحبـك يابـو غمازتيـن الدلـع ياهـوه
ياخدر العيون اللي يجينـي خـدر منهـا


ترى كل مادقيت ثـم قلـت لـي ألـوه
يفز الخفوق وساعـة أعتابـك العنهـا

[TABLE1="width:70%;background-image:url('http://www.sh22r.com/vb/mwaextraedit2/backgrounds/116.gif');border:7px ridge skyblue;"]