02-06-2010, 08:21 PM
|
#1 | |
 
|
جديد رواية سقطت بأخطاءي واتعذبت بأسوارضياعي **^
وامسكتهم واحد واحد ولقوا معهم حشيش
واخذوهم للشرطة ************************************************** ************ في بيت عمر ابو عمر جالس على الكنب :: ياام عمر كلمني ابو هند ويقول بيجي زيارة لنا ام عمر شهقت ورمشت بعيونها وهي تناظر ابو عمر : كيف بيجي لة كم سنة عنا وينة توة يطلع ابو عمر :: هذاا اخوي ومالي غناتن عنة صحيح لي 20 سنة ماشفتة بس ودي ترجع علاقتنا زي اول ام عمر بشوفة نفس :: لايكون مشتاقلك هو مشتاق حق فلوسك ابو عمر :: الله يهديك يعني هو بياخذ مني فلوس غصب عني وبعدين لاتنسين زعلنا الاول كنت انا الغلطاان والمرة هذي هو اللي يراضيني تبيني اقوولة روح لاخلاص بقولة انا اللي عازمك ام عمر تصفق بيدينها بشماتة :: هذا اللي كان ناقص انك تعزمة ماباقي الا انك تقولة تعال اسكن معنااا ابوعمر قام من مكانة وهو معصب :: اسمعيني كلمتي هي اللي تمشي واي اعترااض بتشوفين ورقة طلاقك قدامك فااهمة ام عمر خافت وسكتت : يصير خير ابو عمر : ماسمعت قولي انشاءالله بتستقبلينهم احسن استقباال ززين ام عمر بقهر :: ان شاءالله تامر ابوعمر :: كذاا ززين ******************************************* ** في المزرعة ** *** في بيت ابوهند *** الغرفة كانت مصبوغة فيها غرفة مرتبة وعلى قد الحال بس السرير كان كبير وفي داخلة دورة مياة (( الله يكرمكم )) كبيرة والغرفة كبيرة شوي واللي في الحوش كلة عشب اخضر وفية حديقة مزينة بالورود وفية على الجهه الثانية نخل طواال واشكالها حلوة سبحان الله وداخل البيت صالة كبيرة وفية ممر طويل وجناح لابو هند وللي عند الصالة غرفة هند واللي بجنب غرفة هند المطبخ ماكنها مزرعة حلووة ومتواضعة && هند دخلت غرفتها وتناظر رحاب : السلام عليكم رحاب رفعت عيونها تناظرها : وعليكم السلام هند بمرح جلست جنب رحاب : ههههه حيا الله من جانا رحاب ببتسامة : الله يحييك ومشكورة على الضيافة هند ناظرت رحاب بجدية : ابي اعرف قصتك رحاب قالت لها اللي قالتلها ام حسن قولية ومادرت هند ان رحاب كانت حامل وقالت اذا ماعندكم مانع اجلس عندكم هند : ااية بتجلسين عندنا ومن قالك اننا بنطردك براا ههههههههههههه رحاب ابتسمت : الله يعافيكم والله معرف كيف بطلع من جزاكم ومراح انسى وقفتكم معي الى الابد هند :: الى الابد ههههههههههه طيب قومي ،، تناظر ملابسها حوسة وشعرها وكل شي مغبر :: بعطيك ملابس عشان تتحممين رحاب : طيب عطتها ملابس دخلت تتحمم وهي في الحمام والماء يصب على جسمها تحس بعضام جسمها انها ارتخت وارتاحت نفسيتهااا وهي تحط شامبوا على شعرها تحس انها زهرة وتفتحت والماااء يصب عليها اسمتعت بالحماااام من ووقت طويل مادخلتة ! طلعت من الحمام وهي تحس بنتعاااش وحيااة اخذت نفس قدامها هند وهي تضحك ناظرتها رحاب : ههههه لية تضحكين فية شي يضحك هند تاشر عليهاا :: ايووة فية تاخرتي باستحمام ساعتين شكلك لك دهر ماتحممتي كلهم :: ههههههههههههههههههههههههههههههه (( هل ابتسمت الحيااة لرحااب بعد المتاهات والالم اللي صارلها ولا في شي ينتضر حياتها مابعد ضهرر )) ************************************************** ************** في بيت ابو عمر في القصر الفخم بمبناة وفخم باثاثة الرااقي عمر جالس على الطاولة يتغدى : ميري سويلي همبرجل الحين ميري : اوكي بابا ابو عمر : لية ماتاكل من الاكل اللي ناكلة عمر اسند ضهرة على الكرسي : مالي نفس مشتهي همبرجر ابو عمر : على راحتك سكت شوي ... اقول عمر تراا عمك ابو هند جااي لنا الاسبوع الجااي ابيك تعالمة احسن معاملة لناا عشرين سنة ماشفناة ؟! عمر اخذ نفس :: طيب انا اول مرة اسمع ان لنا عم ! ابو عمر : انا مقاطعة بسبب مشكلة صارت بيناا وتفارقنا اتصل علي الاسبو ع اللي راح يراضيني ويقول لازم نوصل بعض وهو بيجي الاسبوع الجاي وانا قتلة على خير بضيفك عندنا اسبوع عشان تتعرف على العياال وتقوا علاقتنا دلال :: يبة لة بنات ؟؟ ابو عمر : ماادري ماقال شي هم لاجواا لناا عرفنا كم عندة بنت عمر : على خير يبة دلال :: ونااسة لي بنات عم بنتظر جيتهم عمريناظر ميري وهي معها وجبة الهمبرجر :: حطيهاا وروحي ميري حطتها على الطاولة : يبغى شي ثاني عمر ناظرها معصب :: بقرة انتي قلتلك لالالالالالالا ماتفهمين انقلعي عن وجهي مسك بيدينة الهمبرجر وبداا ياكل ابو عمر ناظرة : وش فيك عليهاا!! عمر من غير نفس :: تستااهل ميري ركضت وهي تبكي جرحها !! ميري وصلت للمطبخ وجلست على الكرسي تفكر : انا يعرف كيف علم عمر كيف يعامل انا لازم انتقم منة لالازم بخلي يندم يسوي كذاا مع ميري ********************************************** ** في الزرعة ** جالس ابو هند في الحديقة وعندة هند تكلمة بموضوع رحاب وتحاول تقنعة تجلس عندهم ويعتبرونها بنتهم ابو هند عيونة في عيونهاا :: كيف تبيني اقول انها بنتي وهي مو بنتي كيف ؟؟؟!! هند :: يبة مو حنا الاسبوع الجاي بنزور بيت عمي كيف نخليها لوحدهاا بالمزرعة وهي توها طالعة من تجربة صعبة يبة ارجوك احتسب الاجر عند الله لازم نساعدها ارجوك يبة ابوهند ابتسم في وجهها :: انا مقدر ارد طلب حق دلوعتي وحبيبتي خلاص بس كيف ابين انها بنتي لازم تفتش لي واناظرها على اني ابووها حليها هند ابتسمت :: عادي خل تفتش لك وانت حاول تصد نضرك عنهاا ابو هند : طيب انا حليناها وعمك اذا جاء يسلم عليهااا كيف؟؟ هند : مممممممم عادي تفتش لة عشان تمشي التمثيلية وش راايك؟؟ ابو هند :: بكيفك انتي اللي ورطتيني أي مشكلة حليها انتي وقولي لرحااب! هند : طيب مشكوور على تفهمك باااي ههههههههههه ابو هند ابتسم وناظرها وهي تروح لرحاب: ههههههههههههه الله يفرح قلبك يارحاب مثل مافرحتي بنتي بجيتك لناااا ((((( رحاب تناظر وجهها في المراية مسرحة شعرها وصاير حلو وتناظر وجهها اللي حلوو اكثر وحاطة روج خفيف على شفايفهاا ،، داارت حول نفسها وهي تناظر البس اللي لابستة وفرحانة بشكلها ))) دخلت عليها هند وهي تضحك وتناظر رحااب وابتسمت من قلب على فرحة رحاب بلبسهاا :: وش تحلمي فية هههههههههههه رحاب انتبهت لوجود هند :: ههههههههههه هلا والله ولا شي هند قربت عندها وضمتها : رحووبة حليت المشكلة بتروحين معنا لبيت عمي رحاب خافت :: كيف ؟ حليتوهااا صعبة اروح معكم وانحرج واخاف احد يعرفني هند اخذت نفس وناظرت عيون رحاب اللي بان عليها الخوف :: لاتخافين مايعرفوك ولاتعرفيهم بنقولهم انك بنتناا ماراح يقولوا لنا عطونا الاوراق والاثباتات نتكد ماعليك من شي ! هند شرحت كل شي لرحااب وقرب اجتمااع العائلــــــــــــــــــــــــــــــــــــتين !.................................. ************************************************** ******* هل رحاب بتقابل عمر وتعرفة وش راح يصير اذا عرفتة ؟؟؟ عمر بيعرف رحاب او مايعرفها ؟؟ ميري هل بتنتقم من عمر او بس كلام ؟؟؟ هند كيف بتتصرف مع رحاب عشان مايكشفوهم ؟؟ انتظروني في الجــــــــــــــزء الــــــــــــــــــــــــــــــــرابـــــــــــــ ـــــع قراءة ممتعة وانتظر توقعاتكم |
|
 لبيك يالحد الجنوبي
|
|
02-06-2010, 08:26 PM
|
#2 | |
|
رد: جديد رواية سقطت بأخطاءي واتعذبت بأسوارضياعي **^
&&&&&&&&&&&&~** الجــــــــــــــــــــــــزء الـــــــــــــــرابــــــــــــــــــــــــــــــ ـــــع~** &&&&&&&&&&
(( رحاب )) تحس ان السعادة دخلت قلبها بعد دخولها بيت ابو هند وفرحانة ان هند اعتبرتها مثل اختها ... ** في مزرعة ابو هند ** جالسة هند ورحاب يتقهون ومعهم ام حسن ام حسن : وش اخبارك يارحاب الحين رحاب ابتسمت في وجهها : الحمدلله بخير بشوفتك ياخالة رحاب سرحت وهم يسولفون (( ااة كيف هي احوالك يااخوي ياطلال ااااة بس انا ضيعت نفسي وصرت لعبة بيد عمرر وانا الحين ادفع الثمن اكيد اخواني اذا عرفوا بختفاءي مو راحميني يارب انك تسامحني وحسبي الله على عمر استغل جهلي حسبي الله ونعم الوكيل ))... نزلت عيونها وهي تفكر هند تناظرها : رحاااااب انتي مو معناا وين رحتي؟! رفعت عيونها : معكم مارحت لشي هند ابتسمت : ام حسن عازمتنا في مزرعتهم ماسمعتي اللي قلنااة رحاب انحرجت : ههههههه لالا متى ؟ ام حسن : الليلة العشاا عندي عازمتكم رحاب ابتسمت : الله يعافيك ام حسن قامت ومسكت عبايتها بيدها تلبسها : رحاب لازم تجين مع هند زين على العشا استاذن مع السلامة رحاب وهند ابتسموا : ان شاءالله مع السلامة ********************************************** في بيت تركي تركي عزم صديقة طارق راح يفتح لة الباب :: هلا والله تو مانور البيت طارق يرمش بعيونة ويسلم علية : ههههههههه منور باصحابة وشخباارك تركي وهو ماسك ايدة يصافحة : الحمدلله بخير وشخبارك انت ؟ طارق : الحمدلله تركي ناظرة : تفضل للمجلس حياك جلسوا وتقهوا وتعشواا ،، وعهود جالسة بالصالة وتناظر التلفزيون متابعة برنامجها المفضل بعد ماخلصت شغلها ،، سمعت صوت احد يسكر الباب قالت يمكن صديق تركي راح خليني اقوم اخذ الصحون وانظف .... قامت ودخلت المجلس وهي تمشي وتناظر سفرة الاكل،، رفعت عيونها ناظرت شخص واقف فتحت عيونها ورمشت صار بجسمهاا قشعريرة وخووف،، ناظرها طارق ووماتوقع هالموقف بس عجبتة كثير بنعومتها وحلاتها وهي انصدمت وحمر وجهها وطلعت بسرعة تركض ،، اخوها تركي كان في دورة المياة والصوت اللي سمعتة كان باب الحمام بعد ماسكرة تركي وهي ماميزت الصوت واستعجلت على تنظيف سفرة الاكل ، وصار الموقف جلست عهود بالصالة ،،، تتذكر شكل طاارق انحرجت مررة منة وش بيقول عني جاية هنا يعني ماتدري لايكون يقول لتركي لالاماتوقع يقولة ! بس والله شكلة حلوو ،اضحكت على افكارها واخذت الريموت تفتح التلفزيون تكمل برنامجها ************************************************** ********** في مزرعة ابو هند هند بغرفتها : يالله رحاب خلصتي نروح لاام حسن رحاب وهي تحط روج فوشي على شفايفها : طيب خلصت هند ماسكة العباية : خوذي عبايتك البسيها يالله مشيناا (( هند شكلهاا طويلة ونحيفة ولون بشرتها حنطية ووجهها مفدور وعيونها صغيرة وشفايفها ناعمة وخشمها صغير ورموش عيونها كثيفة وشعرها بني وناعم وطويل )) رحاب ابتسمت في وجهها : طيب راحوا لاام حسن ودخلتهم لداخل جلسوا بالصالة ام حسن وهي تناظر البنات : مافية احد يابنات لاتتغطوا شيلوا الغطى حسن طالع مع اصدقاءة والله يعينة بكرا وراة طريق للقرية بعيدة رحاب تناظرها وتفكر : لية يروح للقرية؟؟ ام حسن ضاق صدرها : ااية هو مدرس ومتعين بالقرية هذي يدرس فيها وهي بعيدة هند ابتسمت : بعدها عن الرياض 35 كيلوا تقريبا رحاب اخذت نفس : الله يكون بعونة ام حسن : امين بعد السوالف والضحك بينهم جابت ام حسن العشاء وتعشواا وقالت لهم اطلعوا بالمزرعة تمشوا فيهاا راحت رحاب مع هند يتمشون بالمزرعة كانت كبيرة ونورها مفتوح هند تناظر رحاب وهي تمشي بتجااة البرادة :: بروح انا اشرب موية كملي طريقك لين اجيك رحاب ناظرتها : اوكي هند راحت للبرادة بعيدة شوي ورحاب مشت قدام وهي تناظر النخل وتقول سبحان الله ، سبحان الخالق انفتح باب الشارع ودخل حسن وهو يمشي قدامة رحاب انصدم اول مرة يشوف بنت بهاالجماال ناظر عيونها وخشمها و شفايفها و جسمها وهي مادرت عنة سرحانة بنفسها وتناظر االنخل ، وتفكر بحياتها ، رحاب سمعت انفاس تقرب لها والتفتت للانفاااس ناظرت حسن مصدومة ناظرتة وانحرجت منة ، وعرفت انة ولد ام حسن واسرعت مبتعدة عن نضراتة اللي كرهتها بالرجال كلهم،، وهند شافت الموقف اللي صار ورجعت للصالة عند ام حسن وتغطت وجت عندها رحاب وتغطت بعبايتها جاء حسن دخل وهو يتنحنح : احم ياااولد ام حسن دخلت الصالة : تفضل متغطين حسن يناظر امة : السلام عليكم ام حسن : وعليكم السلام حسن : وشلونك يمة ام حسن : الحمدلله حسن : عن اذنك يمة طالع انام تصبحين على خير ام حسن : اذنك معك وانت من اهلة راح حسن لغرفتة وهو مشغول تفكيرة برحاب من تكوون ؟؟! هند ناظرت ام حسن : ياخالة حنا بنروح للبيت اكيد ابوي ينتظرنا تاخرنا ام حسن ابتسمت : على راحتكم بس لاتقطعون بزيارتكم عني هند : ان شاءالله مب قاطعين مع السلامة رحاب : مع السلامة ام حسن ابتسمت بوجيههم : الله يسلمكم مع السلامة حبيباتي • في غرفة حسن * منسدح على سريرة يفكر برحاب ؟ من بنتة ؟! امي ماعمرهاا جابت لي طاري بنت كان خطبتها لي بكرا اسال امي تغطاء بالبطانية وحاول ينام بس رحاب براسة ماقدر يطلعها منة ************************************************** **************** ** في بيت اهل رحــــــــاب** خالد جالس ومعة بدر ويوسف يتناقشون عشان اختهم ! خالد : وش نسوي الحين صار لها شهرين مختفية نبلغ الشرطة يوسف عصب : والفضيحة مافكرت فيهاا بدر : والله انك صاادق خالد : وش الحل برايكم؟ يوسف : تبينا ندورها حنا من دون شرطة اية بس بالشرطة لالا بدر : انا اقول انسوهااة اكيد ماتت يوسف: وش رايكم نطلع لها شهادة وفاة خالد : صاحي انت !! واذا طلعت يوسف ظغط على اسنانة : بيكون اخر يوم بحياتها خالد : مو منطق اجل لاتسوون شي انا جبتكم عشان نحل الموضوع مو نعقدة اللي يقول نطلع لها شهادة وفاة واللي يقول ندورها حنا هذاا مو حل خلاص شيلواا ايدكم من كل شي وخلوا علي كل شي ( ناظرهم واحد واحد وهو مقهور وصد عنهم )) يوسف وبدر قاموا : حنا طالعين وخالد مارد عليهم ولا همهم الموضوع ماكانها اختهم للاسف !! ************************************************** *** بعد يومين ،، العصر الساعة الخامسة ،، ** في مزرعة ابو هند ** هند ورحاب يجهزون اغراضهم لزيارة بيت ابو عمر اخو ابو هند ،، وقال ابو عمر لابو هند ابيكم اسبوع عندناا خلصواا بعد ساعة كل شي ابو هند وهو عند باب الغرفة وطقة : السلام عليكم هند ورحاب : وعليكم السلام ابو هند اخذ نفس وخايف من اللي سوااة :: بقولك شي يارحااب اعذرين على الي سويتة بس هذاا من خوفي عليك انا طلعت لك شهادة ميلاد مزورة واصير انا ابوك عشاان اخوي ابو عمر لو طلب مني اوراق او شي رحاب خافت وبنفس الوقت فرحانة بطيبة الرجل هذا كنة ابوها صدق : الله يجزاك خير والله انك ماقصرت ياياا (( تتمنى تقولة يبة )) ياا عمي ومدري كيف بطلع من جزاك ابو هند ابتسم وبانت تجاعيد وجهه من كبر سنة وهو ورى الباب: لاتقولين عمي ناديني يبة رحاب ابتسمت : يبة مشكوور ابو هند : العفو يالله يابنات انا مشغل السيارة شيلوا اغراضكم نمشي هند طلعت لبوها وفرحت باللي سوااة وبدوا يشيلوا الاغرااض وانطلقت سيارتهم لبيت ابو عمر وكلهم ابتسامتهم ملازمتهم وخاصة رحاب اللي تحس انهم اهلها الي حبتهم بصدق بس اهلهاا الصدقيين ماعاملوها كذا بهالمحبة ! ركبوا السيارة وهند قدام ورحاب وراء وهند طول الطريق تسولف من فرحتها وراحاب تسولف معها بس منحرجة من ابوهند (( سرحت رحاب وهي تفكر بحياتها ومستقبلها اللي ماتعرف وش مخبيتلها ضروفها )) تجمعت الدموع بعيونها وسالت على نقابها ، وهي تقول هالخاطرة اللي تعبر عن حالتها * (( انا يمة يبة احتجتكم كثير بس فقدتكم حيل بحياتي الكل تخلا عني بعد رحيلكم اخواني اللي من لحمي ودمي خلوني من لة اشكي تعب السهر والدموع من لة ابكي واشتاق والكل تخلى عني يوم انتم ترحلون ابي احد يمسح دمعتي واشتكيلة لقيت من يسمع لي ولاكن مو الشخص الصحيح سمعني وسمعتة وعطاني وعطيتة خذلني وضيعني وانا ضعت ضعت واخواني اهجروني من قبل والحين لويمشون بجنازتي مايمانعون اة ياقوى الجرح اللي ينطبع في القلب وينك يمة يبة تشيلون عني هم الضياع الي انا فية كيف بتكون ضروفي بعد هذا اليوم.......... ************************************************** *** |
|
|
لبيك يالحد الجنوبي
|
|
02-06-2010, 08:41 PM
|
#3 | |
|
رد: جديد رواية سقطت بأخطاءي واتعذبت بأسوارضياعي **^
شكرا لبيك على هالقصة
تقبل مروري المتواضع لك ودي وعبير وردي |
|
|
للتـوآصل      تَوَاضَعْ تَكُنْ كالنَّجْمِ لاح لِنَاظـِـــرِ . على صفحـات المــاء وَهْوَ رَفِيــعُ ولا تَكُ كالدُّخَانِ يَعْلُـــو بَنَفْسـِـــهِ . على طبقــات الجـوِّ وَهْوَ وَضِيــعُ (`*•.¸(`*•.¸ A ¸.•*´)¸.•*´) ˜”*°•˜..♥..(-->♥ عابرسبيل♥<-- )♥..˜ •°*”˜ (¸.•*´(¸.•*´ A `*•.¸)`*•.¸) تقييم منتديات قبيلة ال شراحيل بفيفاء   زوروني هنا 
•
رسالة لمن غابوا عنا اين انتم
• ██▓▒░( ♥-.♪¸ بوح ـآلنبضآتـ¸لـع ـابرسبيل♪.-♥ )░▒▓██ • طلباتكم وآرائكم أوامر قيد التنفيذ.
|
|
02-06-2010, 09:15 PM
|
#4 | |
|
رد: جديد رواية سقطت بأخطاءي واتعذبت بأسوارضياعي **^
عابر سبيل
مرحبا مليون وكثر نورلمنتدى بوجودك الله يحييك ويغليك يا وجهه لسعد وشرف ليه يكون انت متواجد في مواضيعي لك كل لاحترام ولتقدير من اخوك لبيك يالحد الجنوبي |
|
|
لبيك يالحد الجنوبي
|
|
02-06-2010, 11:47 PM
|
#5 | |
|
ابونواف الفيفي
|
رد: جديد رواية سقطت بأخطاءي واتعذبت بأسوارضياعي **^
البيك يالحد الجنوبي
السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية . |
|
|
|
02-07-2010, 12:06 AM
|
#6 | |
|
رد: جديد رواية سقطت بأخطاءي واتعذبت بأسوارضياعي **^
ابونواف
عليكم السلام ولرحمه لقد شرفني وسعدني تواجدك في هذا لروايه لتي يوجد فيها بعض المقتطفات من المشاكل لتي نطلب من الله ان لاتكون في مجتمعنا وتمنى ان يكون طرح مثل هذا لروايه او لقصص يكون منها لنصح العبر لنه توجد جهاله في المجتمع ومراهقه مع بعض لشباب ولشابات مشكور اخي العزيز ابو نواف على المرور اخوك لبيك يالحد الجنوبي |
|
|
لبيك يالحد الجنوبي
التعديل الأخير تم بواسطة لبيك يالحد الجنوبي ; 02-07-2010 الساعة 12:08 AM
|
|
02-07-2010, 03:52 PM
|
#7 | |
|
رد: جديد رواية سقطت بأخطاءي واتعذبت بأسوارضياعي **^
تكلمة الجزالرابع
الضياع الي انا فية كيف بتكون ضروفي بعد هذا اليوم.......... ************************************************** *** (( في بيت ابو عمر )) ابو عمر يكلم ام عمر بهتمام : اسمعي جهزوا كل شي هم على وصول بعد ساعة الا وين دلال خليها تتجهز بنات عمها لازم تستقبلهم ووعمر وينة ؟ ام عمر : جالس بالحديقة ومعة البتوب ابو عمر عصب : انا بروح لة وانتي كلمي دلال ام عمر : اوكي ابوعمر طلع للحديقة ووقف قدام عمر : وش تسوي قوم تجهز عمك وبناتة على وصول عمر ناظر ابوة : هلا يبة طيب الحين اقوم ابوعمر مشاعنة عمر : اقوووووول يبة وين بيجلسون الاسبوع ابو عمر رجع التفت لة : بيجلسون عندنا عندك اعتراض عمر خاف من ابوة وابتسم : لاطبعا الله يحييهم ابو عمر : استعجل ( ومشا عنة .... عمر : اوكي بابي ههههههههه وسكر لبتوبة وهو يتثاوب : ااااااااااااااااااااةةة ويمطط ايدينة قام بيروح سمع صوت جوالة وناظر شاشة الجوال : رقم غريب ارد او مارد خلني ارد :: الوو نعم البنت اللي متصلة : هلا والله مو جوال عمر اخذ نفس : ايووة وش بغيتي مو فاضي البنت تضحك بمياعة : انت تدري صورة اختك معي وعطيها واااحد يهدد فيها اختك هههههههه مممممم واختك طلعت معة وصورها مع شباااااااااااااااااب هههههههههه عمر مصدووووووم وضاق تنفسة من القهر وعصب :: انتي كذاااااااابة ياحيواانة اختي انضف منك ومن اشكالك البنت : ههههههههههههههههه نضيفة اهااا طيب انا برسلك ضرف صور اختك هههههههه اذا اتصلت مرة ثانية عليك وقلت اطلع معناتها ضرف الصور عند الباب ههههههههه باياااااااااات عمر : لاتسكررررررري ( وضغط على اسنانة من العصبية )) اااااخ يالقهررر اكيد تكذب دلال ماتسويهااا ابو عمر من بعيد :: عمرررررررررر يالله قوم عمر يصوت : طييييييييييب قام وراح لغرفتة والموضوع شاغل بالة يمكن البنت مع اختي بالجامعة وتبي تنتقم اوو انها تعرفني وبتنتقم ؟! وشاف قدامة دلال وضاق صدرة مايبي يضلمها بس يخاف الكلام يكون صدق بس مايبي يفاتحها بالموضوع ،، دلال ابتسمت بوجهه : هلا والله وش هالززين كل هذا عشان عمي هههههههه عمر ابتسم وبانت اسنانة : هههههههههه ايوة عشانهم وانتي بعد حلوة هههههههههه نزل من الدرج لبوة ام عمر تكلم الخدم عشان يجهزون الحلويات والمعجنات والعشاء ام عمر : ميري جهزي كل شي وديهم لصالة ميري تناظر ام عمر بحقد (( ميري جنسيتها فلبينية )) : ايوة ماما الحين راحت ام عمر عنها وجلست هي ودلال بصالة ينتضروهم ** وقفت السيارة عند بابهم وفتحوا البوابين الباب ودخل ابو هند سيارتة ابو عمر طلع للحوش من فرحتة يستقبل اخوة اللي ماشافة من سنين ابو عمر وقف عند السيارة وناظر ابو هند /// وابو هند نزل من السيارة وفتح ايدينة لاخووة وضموا بعض وهم يصيحوون وكل واحد يتذكر هالاخوة من سنين وفقدوهاا & مايصدق االواحد ان المشاكل تفرق بين الاحباب !& ابو عمر يناظر ابو هند بشوق : وشلونك يابوهند والله اني مشتاقلك مرة ابوهند يناظرة وهو للحين ماسك ايدينة : الحمدلله انا بخير بشوفتك رجعت شباب ههههههههه ومشاقلك ابو عمر يضمة مرة ثانية وهم يضحكون ويبكون : هههههههههه وانا تراي شايب هههههه ابو هند: ههههههههه عمر واقف عند ابوة والبنات نزلوا من السيارة وهم متغطين وعليهم نقابات وفاتحين عيونهم بس مو واضحة مرة عمر قرب لعمة وسلم : وشخبارك ياعم ابوهند وهو يسلم علية : الحمدلله وشخبارك انت ؟ عمر ابتسم : الحمدلله بشوفتك رحاب من بعيد شوي تناظر عمر وتحاول تدقق بملامحة ! معقولة هذااا عمر عمر ماغيررة مااصدق اخذت نفس وحست انها انكتمت واخذت نفس مرة ثانية وهدت وهي تناظرة وتأكدت انة عمر نفسة،، وهي مصدومة من الصدفة اللي جمعتهم مع بعض ؟! اة ياعمر بحياتي ماشفت شخص بنذالتك وضلمك اتمنى اذبحك بيديني! ابو هند يناظر اخوة ويبتسم : هذولي بناتي هند ووو رحاب! ابو عمر يقرب ويصافح ايدين هند ورحاب ويسال عن احوالهم ( ورحاب بعد ماسلم عليها ابو عمر << انت السبب ياعمر حطيتني بضروف وخليتني مثل الدمية اسوي الشي بدون تفكير اسلم وافتش للي مو محرم لي والله قهرررررررر )) عمر يناظر البنات: وشخباركم ياهند ورحاب البنات بصوت واحد : الحمدلله ابتسم بوجيهم وعطاهم ضهرة ومشاء للمجلس وابو عمر ناظر ابو هند وابتسم ووهو ياشر بيدة : تفضل للمجلس ابو هند : مشكور والبنات دخلوا لصالة الضيوف اول مادخلوا اعجبهم القصر باثاثة الانيق هند عجبها القصر وكانة بمسلسل تلفزيوني وهي تبتسم وتناظر الاثاث ورحاب تناظرها وتضحك ام عمر وهي تمشي ورافعة خشمها ورفعت حاجبها وابتسمت : هلا والله بالضيوف تو مانور البيت ودلال وراهااا تبتسم وتناظر البنات هند ورحاب يبتسمون : منور باهلة ام عمر قربت لرحاب وتصافحها بيدها وتقرب خدها لخد رحاب وتسلم عليها بحب ( لانها عجبتها واذا عجبها احد مايطلع من راس ام عمر )) : وش اخبارك وش اسمك رحاب تبتسم وهي تتذكر عمر مايشبهها بالتعامل : رحاب ام عمر وهي ماسكة ايدين رحاب : عاشت الاسامي يارحاب تركت ايدينها وسلمت على هند هند : الحمدلله بخير اسمي هند قبل تساليني ههههههه ام عمر ميلت فمها : ههههههه ايوة وش اخبارك هند ابتسمت وماعجبتها حركتها : والله تمام بشوفتكم جت دلال وسلمت على رحاب وهند دلال : فرحت يوم قالي ابوي انكم بتزورونا هند : مشكورة يادلال ام عمر تناظرهم : تفضلواا ولابتضلون واقفين جلسوا وضيفتهم ام عمر ودلال فر حانة بوجودهم ** عند الرجال ** ابو عمر : والله مثل منت شايف الحمدلله شركتنا كبرت بسمعتها الطيبة وانا انتظر عمر يتخرج عشان يشتغل معي لان الحلال حلالة مو صح عمر عمر يلعب باالجوال ومو لمهم ناظر ابوة : ايوة صح ابو عمر ناظرة وهو معقد حواجبة يعني خل الجوال عمر انحرج وحط الجوال بجيبة ********************************************** مر الوقت عليهم وصارت الساعة 12 ليلا في غرفة دلال دلال تدور حول نفسها وهي تضحك : هههههههههه بنات بتناموا عندي والله وناسة والبنات يضحكون على هبالها هند تناظر دلال وهو دايخة وتتثاوب : ابي انام مو وقت سوالف يادلال دلال تضحك وتأشر عليها بيدها : ههههههههه شكلك يضحك وانتي فيك نوم طيب هذاا سريرك ناامي ههههههههه هند تاشر بيدها : هذا اهذ طيب راحت للسرير وانسدحت واول ماطاحت صارت في سابع نومة ودلال ورحاب يناظرونها ! ويضحكون ههههههههههههههههههههههههه رحاب : يالله انا فيني نووووووووم ضحكت على هند وانا الحقها الحين هههههههههههههههه دلال : هههههههههههههه وراحت للسرير تنام ودلال لحقتهم ************************************************** ******* في الصالة ام عمر تكلم عمر بموضوع واقنعتة واقتنع عمر : يمة اللي تشوفينة اذا (( ابتسم )) البنت عجبتك انا يعجبني ذوقك واكيد انة حلوو اخطبيها وقولي لبوي ام عمر ابتسمت في وجههة : ايوة بقولة والحين دخل ابو عمر الصالة وجلس على الكنب : السلام عليكم ام عمر تبتسم : وعليكم السلام وشخبار ضيوفك ابو عمر : والله تمام ام عمر تنقل نضراتها بينهم وتبتسم : بكلمك بموضوع انا عجبتني بنت اخوك حلوة الي اسمها رحاب عجبتني وش رايك نخطبها لعمر ؟! ابو عمر يناظرها مندهش ! : غريبة مو انتي ماتبنهم ! ام عمر : لا البنت عاجبتني وش رايك نخطبها لعمر؟؟ ابو عمر ابتسم: انا ماشفتها الى الحين بس اذا هي عجبتك وبعدين تربية اخوي اكيد انا مو رافض ام عمر : على خير فاتح اخوك بكرا بالموضوع عشان الاسبوع هذا نملك ابو عمر : مستعجلة وش علية ام عمر : ولية نصبر عمر يبي يتزوج صح عمر عمر يناظر امة وعجبتة هالفكرة : ايوة يمة ابي اتزوج ابو عمر ناظرعمر وهو يرفع حواجبه مستغرب : الله يهديك على خير افاتح عمك بالموضوع بكرا ام عمر وعمر ابتسموا فرحانين ****************************************** الصباح الساعة 10 هند ورحاب ودلال يفطروا بالغرفة رحاب : الحمدلله انعم الله عليكم دلال تناظرها : صحة وعافية عليك بس لية ماكلتي كويس هند : خليها تدلع رحاب تناظرها وفي عيونها دموع هند خافت ان رحاب زعلت من كلمتها ناظرتها : رحوبة ماكنت اقصد رحاب ناظرت هند وابتسمت : لالاعادي راحت تغسل ايدينها وسحبت منديل تنشفها ،وجلست على الكنب وفتحت التلفزيون وهي سرحانة (( تفكر بعمر كيف توصلة ! )) جت عندها هند وهمست بذنها : وش فية تفكرين رحاب ناظرتها : موشي هند: لية تخبين عني رحاب عيونها على هند ودلال وتلمح لهند تسكت : ههههههه افكر بالمزرعة ههههههههه (( بتضيعها )) هند فهمت قصدها عشان دلال : ههههههه ايووة دلال كلمت على االخدامة : تعالي خوذي الفطور وجلست معهم على الكنب دلال : مارحت اليوم للجامعة عشانكم هههههههه هند : حبيبتي والله اتعبناك معنا دلال تبتسم وتناظرها وتاخذ نفس : تعبكم رااااااااحة ************************************************** ** العصر الساعة 4 ابوعمر يكلم ابو هند بموضوع الخطبة ابو عمر : انا ابي اخطب بنتك رحاب لولدي عمر وشقلت ولو رفضت هذا رايك مراح ازعل منك ابو هند خاف انة ينكشف : والله شرف لي اني اناسبك ياخوي بس خلني اسال البنت عن رايها ؟!! ابو عمر : خوذوا وقتكم ومتى ماقررتوا قولولناا ابوهند : طيب تناديلي رحاب وهند اكلمهم في الموضوع بس اكلمهم لحالنا ابو عمر ابتسم : هههههه ايوة فهمتك يعني انا اطلع طيب بناديهم لك وتفاهم معهم معك ساعتين هههههههه قام من مكانة وراح يناديهم دخلهم للمجلس وطلع،، وهند سكرت الباب هند وهي تناظر ابوها : وش الموضوع يبة ابو هند ضاق صدرة : الي ماكنت متوقعة صار وخايف اننا ننكشف هند تدور في ايدينها بتجاة ابوها ! يعني مو فاهمة : مافهمت يبة وش الموضوع! ابو هند جلس على الكنب ياخذ نفس : ابوعمر عمك خطب مني رحاب لعمر !؟ هند فتحت عيونها ورمشت بعيونها : ايش! خطب رحاب لعمر وش بتقولة !؟ رحاب فتحت عيونها مندهشة عمر خطبني هند : طيب بترفض او بتقولة اية ابوهند : كيف تبيني اوافق واذا انكشفناا! هند :طيب وذا الح عليك ابوهند : اكيد برفض!! رحاب تجمعت الدموع بعيونها وهي متغطية تكلمت بأألـــــــم وبصوت مبحوح : انا موافقة وابي اتزوجة هو هو اللي ضيعني بقولكم قصتي الحقيقية ،،، ولاانا كذبت عليكم باالاول من خوفي )) * تتكلم وكانها بالعة موس وطايح عليها حجر كبير،، من القهر اللي داخلها سكتت شوي وابوهند وهند بذات مندهشة من اللي قالتة رحاب! رحاب : انا كنت اكلم عمر على اني احبة وقلتلة بجيك مع السواق للبر بشوفك قال هو اية يوم جيت للبر ، نزلني من سيارة السواق وقال للسواق روح وعطاة فلوس عشان مايقول شي!! وانا قالي برجعك اليوم بليل لاتخافين ، كذب علي بكلامة المعسول بعدين كذب علي وقال انة بيتزوجني بعد كذا اعتدى علي ويوم قربت روحتهم من البر ركلني برجلة وخلاني في البر لحاالي،،، جلست يوم وانا امشي مرت من عندي سيارة شباب واخذوني معهم وماقصروا فيني كل واحد يدخل علي انا انجنيت وبعد سبوعين انا حملت وشكلة من عمر ،، والشباب اللي انا عندهم كان فية مباحث تراقبهم ، لبسوني كيس زبالة ، وحطوني في الزبالة وقالولي لايدرون عنك الشرطة ! ولا بيمسكونك وقالي احمد ان هذي مزرعة فية شايب وبنتة روحي لها ، انا قمت من الصندوق وطحت على بطني ونزفت وطاح اللي في بطني الحمدلله ،، ومشيت للمزرعة وانا اتـــــــــألم ووصلت لكم وهذي قصتي ، ابوهند معصب : اااخ ياعمر يانذل وياحقيررر وااذا انا بوافق بس عشان يصلح غلطتة !؟ هند : والله يقهر خلينا نلعب عليهم وتزوجية خلية ينقهر انك وصلتي لة ! رحاب ابتسمت لهم : ااية لازم اوصل لة ويصلح غلطتة وماخلية يدري اني انا الا اذا تزوجني وبعد لازم نعلم ابوة باالموضوع بعد الزواج ابوهند : فكرة حلوة انا الاول بزوجك اياة واذا تزوجك شرحت لبو عمر الموضوع كلة وبعدين هو بيفهمني هند ورحاب ابتسموا وطلعوا ودخل ابو عمر وقالة ابوهند حنا موافقين وابو عمر قال نملك بكرا ان شاءالله صار بكرا وجاء عمر وملك على رحاب والاوراق ناضرها ابو عمر وماكان متوقع انها تكون مزورة لانة واثق من اخوة مر الوقت والكل يبارك لرحاب وعمر على الزواج وعمر الي الحين ماشاف رحاب ورحاب فرحانة انها بتقهر عمر ام عمروهي جايبة كوافيرة عشان تسوي المكياج لرحاب وجالسة الكوافيرة تصلح لها المكياج ورحاب فرحانة جت دلال جلست جنب رحاب: مبروك الزواج يازوجة اخووي رحاب ناضرتها : الله يبارك فيك ياخت زوجي ههههههههههه هند تناظر رحاب مبتسمة وبقلبها خايفة على رحاب اذا عرفها عمر ! ام عمر تناظر رحاب وفرحانة : والله انك قمر يارحاب رحاب ناظرتها وهي ترمش بعيونها : تسلمين ياخالتي ابو عمر ينادي ام عمر وام عمر راحت لة : وش تبي ابو عمر : خلي رحاب تجي للمجلس عمر بالمجلس وحنا طلعنا زين ام عمر ابتسمت : زين الحين اقولهاا تدخل راحت ام عمر تنادي رحاب ( وخلصت الكوافيرة منها ) ام عمر : يالله يارحاب تعالي حبيبتي لعمر بالمجلس يبي يشوفك بس لحالة ( وابتسمت تناظرها وقربت لرحاب تمسك ايدها ) رحاب قامت من مكانها والبنات وراها فرحانين ويزغرتون كلوووووش ويتغامزون لها ويضحكون وهي منحرجة وخايفة من عمر وش بتكون ردة فعلة اذا عرفها ! دخلت للمجلس وجلستها ام عمر وطلعت وسكرت الباب (( رحاب لابسة فستان ابيض ومكياجها روعة وطالع شكلها يجنن )) عمرلابس ثوب وغترة وبشت لونة اسود رفع عيونة يناظرها ( حاول يدقق ويتفحص شكلهاا تشبة لرحاب!! عمر فكر بس مو معقول تكون هي لان رحاب اتوقع ماتت في البر بعدين لالالا هذي بنت عمي وانا واثق من ذوق امي؟ ناظرها اكثر وفكر خلني اقرب لها عشان اتأكد واسمع صوتها ، (((( بس عشان رحاب حاطة مكياج مو واضح شكلها لعمر عشان كذاا شك انها تشبة لها )))))) راح وجلس جنبها وهو يناظرها ويبتسم : وشخبارك رحاب مبروك الزواج ناظرتة وحطت عيونها بعيونة وتجمعت الدموع بعيونها و سالت على خدها وعلت نبرة صوتها عشان يتذكر صوتها ويعرفها : الله يبارك فيك ياعمر عمر ناظرها وطلعت عيونه وهي ترمش مسك ايدها يناضرها ويتأكد انها رحاب ماغيرهااا : اااااااااان ت ي رحاااااااااااااب رحاب ناظرتة وخلاص الدموع بدت تسيل من الجرح اللي جرحها : ااية رحاب اللي رميتها في البر ياحقيرررررررر !؟ عمر منصدم اكبر صدمة بحياتة وش هالصدفة الي جمعتهم مرة ثانية مع بعض : طيب كيف تصيرين بنت عمي كييييييييييف !!! قوليلي كيف!! كيف انتي بنت عمي؟؟؟؟؟؟؟؟؟؟؟؟؟؟؟؟؟؟؟ رحاب ناظرته بعيون ساخرة منة وهي تبتسم ابتسامة فخر : ايوة ضحكت عليك مثل ماضحكت علي ! ياعمر ناظرها وضغط على اسنانة وهو معصب منها : قولي السالفة لااقتلك هناا ناظرتة ببرود : انا طبعا بعد ماتركتني يومين امشي بالبر بعدين لقوني شباب وبعدين هربت ورحت للمزرعة عمك وجلست عندهم وهم جو بيزورونكم فقالولي تعالي معنا يمكن مايعرفوك الناس هذولاء وانا يوم شفتك اول مرة انصدمت وعمك زور شهادة ميلادي عشان اجي معهم وانت خطبتني بعد ماعرفتك ووافقت انا عشان تصلح غلطتك عمر ناظرها مندهش ومقهور : تزوجتيني وكنتي عارفة لاكن تعرفين اني بطلقك رحاب ابتسمت وناظرتة مقهورة منة : اية عارفة انك بتطلقني لاعرفتني لاكن يهمني شي واحد ترد لي كرامتي اللي كسرتها بحقارتك وصدت عنة ودموعها تسيل على خدهاا قام عمر ومد ايدة وعطاها كف خرب شعرها اللي تطايرت خصلاتة من قوتة : الكف هذا جايز يذكرك بعمر من يكون رحاب ماسكة خدها ويالمها وحمر من قوتة : ااااااة طول عمرك حقير ونذل قامن من مكانها بتروح عمر مسكها من ايدها : اسمعيني مافية عرررس وقبل ماادخل عليك بطلقك فاااااااااهمة رحاب ناظرتة : لازم تتزوجيني اذا مو باالطيب باالغصب! عمر قرب لوجهها : ماافية شي غصب وانا اعلمك من عمرررر سحبت ايدها منة وفتحت الباب وطلعت وهي مقهورة ...... راح يجلس على الكنب واسند ضهرة وهو مقهور منها وغمظ عيونة سمع نغمة جوالة يعني احد يتصل علية اخذ جوالة من جيبة وهو يناظر الرقم وعصب : نععععععععم البنت : هههههههه مممممم اكيد عرفتني حطيت ضرف صور اختك تحت الباب رح خذة قبل يطيح بيدين ابوك هههههههههه ويموت عليكم باااي (( طووووووووططط )) سكرت بوجهة عمر : ياحيوااااااانة انا اعلمك فصخ بشتة وطلع يفتح الباب وناضر الظرف حطة بجيبة وطلع لغرفتة وهو في الغرفة فتح الضرف ! وناضر الصور صورة صورة وعيونة يفتحها ويغمضها وضغط على اسنااانة مقهور وعقد حواجبة ومعصب حدة !!؟ ************************************************** ****** وش ناوي علية عمر ورحاب وش ناوية علية كيف بتخلي عمر يتزوجها بالغصب ؟؟ طارق هل حب عهود وناوي يخطبها ؟؟ ياترى وش اللي في الضرف من صور خلت عمر يعصب ؟؟ حسن هل حب رحاب وايش نهاية هاالحب ؟؟ انتظروني باالجـــــــــــــــــــــــــزء الخــــــــــــــــــامس ************************************************** ******************************************* |
|
|
لبيك يالحد الجنوبي
|
|
02-07-2010, 08:56 PM
|
#8 | |
|
رد: جديد رواية سقطت بأخطاءي واتعذبت بأسوارضياعي **^
لبيك يالحد الجنوووبي
مشكووور بس حرقت اعصابي جيب الجزء الخامس بصراااحه رووعه |
|
 مشكوره منتهى الرقه على التوقيع والصوره الرمزيه كلك ذوووووق 
|
|
02-07-2010, 09:10 PM
|
#10 | |
|
رد: جديد رواية سقطت بأخطاءي واتعذبت بأسوارضياعي **^
ْ~،َُ؛#~،$‘؛؛~ًَ؛~‘ٍالجــــــــــــــــــــــــــ ـــــزء الخــــــــــــــــامـــــــــــس ~ًُ،~,"؛؛‘,$#~،ًٌْْ؛ً’~
وناضر الصور صورة صورة وعيونة يفتحها ويغمضها وضغط على اسنااانة مقهور وعقد حواجبة ومعصب حدة !!؟ صور اختة مع واحد من الشباب ونفس الشخص ولها صور كثيرة معة ، مسك الصوربيدينة وبدا يعدهم تقريبا 20 صورة لهاا عمر عصب اخذ نفس لثواني : اااااااااااااااااااخ خ خ يااالقهر كل هذاا يطلع منك يادلال انا اعلمك لية تسوين كذااا لية ؟! راح عند الباب بيفتحة وهو معصب ، بس وقف يفكر : لوضربت دلال وش بقول لبوي لازم احل المشكلة بهدوء وضغط على اسنانة معصب وهو يحدق بعيونة وعاقد حواجبة : انا الحين بمشكلة رحاب الحيوانة اذا ماقتلتها ماكون عمرررر! ************************************************** ****************** في بيت تركي تركي يكلم طارق : والله اكلم البنت واسالها عن رايهاا والله الشرف لنا اننا نناسبكم طارق : الله يسلمك ماعليك زود يالله اكلمك مرة ثانية وخذ وقتك باالرد؟ تركي : ان شاءالله مع السلامة طارق : مع السلامة ************************************************** *********** في المزرعة في بيت ام حسن حسن : يمة اذا جاء ابوهند فاتحية بلموضوع نخطب رحاب ام حسن فتحت عيونها بأندهااااش : كيف ياحسن بتتزوج وحدة كانت حااامل ومانعرف اهلها الحقيقيين ! حسن : نسألها عن اهلهاا ام حسن معارضتة : لالالالالا يااحسن لاتدخل نفسك بمشاكل انت في غنا عنها حسن بيأس وهو ينزل راسة: ان شاءالله كل شي بيتيسر ام حسن ميلت فمها بعتراض وتأشر لة بيدها يعني لالالا ************************************************** ***** في بيت ابو عمر بعد ماطلعت رحاب من المجلس وهي واقفة وتمسح دموعها بااصابع ايدها ..... ،،، وبداخلها تبي تلملم شتات ضياعها اللي تحسة بطعم المر اللي تذوقة من عمر وضلمة،،، وتحاول تمسك العبرة اللي شدتها على شفايفها ...... ام عمر قربت لها : وش فيك؟! رحاب حاولت ترسم ابتسامة على وجهها : لامافيني شي ياخالة ام عمر تناظرها بتفحص : والدموع اللي على خدك رحاب تناظرها وترمش بعيونها : دموع الفرح ........ وبقلبها،، الا دموع القهر اللي اسقاني اياها ولدك،،، دلال مسكت ايدها وتناظرهم : تعالي ارتاحي يارحاب راحت رحاب وجلست على الكنب مع دلال وهند معهم هند : كيفك الحين ؟! رحاب من غير نفس ناظرتها وهي تبي تفضفض لها بس ماتقدر معهم دلال : الحمدلله ،،، شبكت ايديها وفرقعت اصابعها ،، ام عمر جلست عندهم وهي تناظرهم وتبتسم : الزواج بعد اسبوع تجهزوا لة دلال ناظرت امها والابتسامة في شفايفها : ونااااااااااسة بجهز فستاني عند المصممة اللبنانية هند : واااو اكيد بيطلع حلوو دلال تضحك : هههههههه ان شاءالله رحاب قامت واقفة وعيونها تتنقل بينهم : انا بروح لغرفة دلال ارتاح ياخالتي ام عمر تبتسم بوجهها : خوذي راحتك حبيبتي رحاب مشت تركب الدرج وهي تمشي وهو ينزل عمر ناظرها : اااااااااااااااااف وووين راايحة رحاب كملت طريقها وماردت علية .... وعمر مسكها مع ايدها وقرب لها : لمن اكلمك ناظريني !!..... ضغط على اسنانة بعصبية : وين رايحة ......... رفعت راسها وهي تناظرة ومسكت عبرتها : رايحة لغرفة دلال وش تبي مني بعد؟ عمر ترك ايدها ومشا ورحاب استحقرتة ومشت على الدرج لين وصلت الغرفة ............ راحت للسرير وانسدحت وهي تبكي ودموعها بللت الفراش... هند عليها الغطاء،، طقت الباب وفتحتة ودخلت ناظرت رحاب وهي منسدحة وقربت منها : رحااااااااب وش فيك رحاب سمعت صوت هند وقامت وقالت لها قفلي الباب ابي اكلمك وقفلت الباب هند .... رحاب قامت من السرير وقربت لهند وضمتها تبي احد تشتكي لة وهي تبكي بحضنها: ضربني وعطاني كف اكرررررهة متى ارتاح منة ويطلقني متى ؟! ..... هند حاطة ايدينها على ضهر رحاب وتمرر ايديها على شعر رحاب بحنان : حبيبتي بيجية يوم ومثل ماضلمك بيجي احد ويضلمة وربك مايضيع حق احد رحاب ارتاحت وابعدت ايدينها عن هند : سبحانة هند : اانا بقول لابوي يقول لابو عمر القصة عشان عمر يتزوج غصب عنة رحاب : اية قوليلة تكفين هند ابتسمت بوجهها : ان شاءالله بعد شوي اروح اكلمة لاتخافين وبعدين ماسمعتي ام عمر تقول العرس بعد اسبوع يعني بعد شهر بالكثير بترتاحين من سيرة عمر هههههههههههه صح رحاب عطتها بوكس بيدها على بطنها وهي تضحك : هههههههههههههههههههه صح هند: ههههههههههههههههههههه صح طقت الباب دلال عليهم وفتحتة هند ....... دلال : وينكم ياغدارين تروحون عني هههههههههههه رحاب وهند : هههههههههههههههه وبعد السواليف،، هند راحت لابوها وقالتلة يقول لابو عمر ...وجلس مع ابو عمر وقالة القصة وابو عمر تفهم الموضوع وقال لابو هند ....... ان شاءالله عمر بيتزوجها بالغصب ،، وقالة ابوهند ام عمر ودلال لايعرفون باالموضوع شي الا اذا طلقها ، وابو عمر وافقة .. عشان ماتزيد المشكلة تعقيد اكثر ************************************************** ******** ابوعمر راح لغرفة عمر يكلمة ودخل ..... عمر : هلا يبة ابو عمرناظرة بشدة وبصوتة الخشن رفع نبرتة : ادخل وسكر الباب بكلمك عمر سكر الباب وجلس عند ابوة (( وكلمة عن كل القصة وهو معصب )) وعمر مقهور من االــــــــــــــــــكل ! عمر : والمطلوب ابوعمر : تكلم بأدب الضاهر انا ماربيتك زين يبيلك تربية من جديد ،،وناظرة نضرة قهرت عمر عمر يعقد حواجبة ويميل فمة : انا متربي يبة مالة داعي هالكلام!! ابو عمر ضغط على اسنانة واخذ نفس وعطاااة كف حار على وجهة : لوانت متربي ماسويت اللي سويتة!!!!!!!!!!!!!!! عمر حط ايدة على خدة مقهور : واذا ماسويت اللي قلتلي علية وش بتسوي ؟؟! ابو عمر ناظرة : بحرمك من كل شي وناااااام في الشارع عمر : .......... سكت ومالة وجة يتكلم ابو عمر : سكوتك تعني موافــــــــقتك ؟؟؟ عمر : ااااااية تعني موافقتي ابو عمر : اسمعني تتزوجها شهر وتطلقها ؟ عمر من غير نفس : ان شاءالله ابو عمر طلع ، وعمر جلس بغرفتة ، (( عمر ... يصيح يفكر بموضوعة مع رحاب ،، اللي اجبر علية ،،،..... وبموضوع اختة اللي محيرة !؟ ************************************************** ****** • في بيت تركي * ويوم ملكة عهود على صديق تركي ... طارق عهود تبتسم وتناظر فستانها الازرق البحري الروعة بتصميمة وتناظر شكلها باالمراية ... دخل تركي وهو يناظر شكلها : ماشاءالله والله طالعة كنك وحدة ثانية تجننين وحط ايدة على فمة .... ويزغرت .. كلوووووووووووش وعهود استحت وحمر وجهها تركي : مبروك الزواج وعقبالي ههههههههه ناظرتة وهي ترمش بعيونها ورفعت ايدينها تدعي : يارب انك تتزوج قريب الله يسمع منك.... ونزلت ايدينها وهي تضحك وتركي قرب لها وحبها على جبهتها : الله يوفقك بزواجك يارب عهود نزلت عيونها وهي تناظر فستانها : امين دخل ابو تركي عليهم وهو يناظر عهود وتناظرة وقرب لها : مبروك الزواج يابنتي والله يوفقك عهود قامت واقفة ، وحبت راس ابوها وناظرت عيونة اللي تلمع بالدموع من فرحتة بزواجها : الله يبارك فيك يبة وتركي فرحان بزواج اختة الوحيدة اللي يحبها من كل قلبة وبعد عشر دقايق ابو تركي وتركي اخذوها معهم للمجلس، ودخلوها للمجلس وباركوا لطارق ووصوة عليها وطلعوا ...... وجلست على الكنب ،عهود مستحية من طارق طارق : مبروك الزواج عهود بهمس صوتها : الله يبارك فيك طارق ناظرها وقرب عندها : ماشاءالله طالعة قمر ياعهود اغار انا على الفستان اللي لابستة عهود ابتسمت وتبي تضحك بس مستحية : مشكور طارق مسك ايدها وباسها : بس مشكور حااف مافية حبيبي عهود تناظرة ونفسها تقولة انت جريء وحمر وجهها من الحيا : ............. طارق يرمش بعيونة ويرفع حواجبة بستهبال : قولي حبيبي ولابزعل منك؟ عهود تناظره وتطلع هالكلامات من شفايفها التوت : حبيبي ولاتزعل طارق ناضرها وكانة يحلم : امووووت انا على هاالشفايف والصوت ياقلبي عهود ابتسمت بحياا طارق ناظرها وعطاها علبة هدية : هذي هدية مني فيها جوال واذا اتصلت فيك بيطلع لك اسم حبيبك ، وابتسم لها ،، عهود ناظرت ايدينة وهو ماسك ايديها وابتسمت بحيا : مشكور ************************************************** *************** في بيت ابو عمر عمر جالس بغرفتة متوتر ، سأل عن الرقم اللي يدق علية طلع بدون اسم وهو مقهور يمشي ويوقف عند الباب ويقوم ويجلس على السرير ويقوم وينسدح متوتر حدة من التفكير عمر : وش اسووي الحين كيف اوصل للبنت اللي موزعة الصور كيييييييييف ! رن جواالة ومسكة وناظر شاشتة : ماغيرها الحيوااانة ورد : نعم وش تبين باالضبط البنت : ههههههههههه كذاا نتفاهم بسرعة مممممم الصور اللي عندك تبيهم ماينتشرون مممم تعطيني 10 الاف رياال واذا ماعطيتني الصور بتكون منشورة وابوك يشوفهااا عمر : طيب اسمعي ابي اقابلك عشان اعطيك الفلوس البنت اخبث منة : ههههههههه تقابلني لية غبية لالالا تجيب الفلوس وتحطها بمحل من المحلات وانا اجي اخذها عمر : كيف يعني؟! البنت : تعطي راعي المحل واي محل باالسوق ..... تعطية الفلوس وتقولة هذول امانة بتجي وحدة تاخذهم وانت تروح وانا اجي اخذهم فهمت !؟ عمر معصب : طيب ماتخافين اراقبك ؟ البنت : هههههههههههه راقبني وجرب ههههههههههه بااااي عمر : لحظة البنت : نعم عمر : ممكن اتعرف عليك اكثر؟!! البنت : هههههههههههههه العب غيرهااا باي (( وسكرت بوجهة الخط ... طووووووط )) عمر ضغط على اسنانة بوصلك ياحيوااانة ************************************************** ****** مر اسبوع ويوم الزواج ،، القصر شكلة فخم ، طاولات فيها خامات من الاقمشة المزينة بالالوان ، والانوار الملونة ، والشموع بااشكالها الحلوة وصوت الفنانة ... وبكلمات الشعرالجميلة ،، اللي تهز القصر،، ، والناس مبهورين باالتجهيز اللي مسويتة ام عمر لزواج ولدها وام عمر ماعليها الا التفاخر قدام الناس ، بمكان ثاني جالسة رحاب بغرفة العروسة ،، قبل تطلع للزفة ،، خبيرة التجميل وهي ماسكة فرشة ملمع الشفايف باللون الفوشي الفاتح ، وترسم على شفايها ،، وهي تناظر رحاب باعجاب بجمالها ، وجاذبيتها ، ابعدت ايدها : خلصنا يامدام مبروك الزواج رحاب تناظرها بعيون حزينة : الله يبارك فية (( اتمنى اني بين اهلي وهم يباركون لي بزواجي السعيد وبدون نهاية ، مو انزف وانا عارفة بطلاقي ،،مابي احد يبارك لي بزواج من بدايتة فاشل )) هند عندها وتناظرها وقربت لها ومسكت ايدينها : يالله ام عمر تقول ادخلي رحاب قامت واقفة وجت عندها ام عمر ودلال واخذوها معهم وهي تنزف،، مع صوت الفنانة بكلمات الشعر ...... دلال لابسة فستان احمر وفية كلف على الجنب ، وفية طبقات مايلة على جنب ، ومن قدام قصير ومع وراء طويل ، وكان فستانها ملفت بروعتة ، وهند كانت لابسة فستان ناعم ولونة برتقالي ، رحاب دموعها تتجمع بعيونها وهي تناظر الناس ، وعارفة ان نهايته هاالزواج طلاق وبخاطرهاا .................. يزفونك لعريسك وهو اللي طعنك من ضهرك يبون الفرحة والبسمة بوجهك الا يزفونك لقبرك مع عمر اللي بكل مكان جرحني وبمسرح التمثيل انا اكابر مع دموعي يزفونك لقبرك وانتي مابعد تجهزتي كيف اذوق طعم الفرح وانا امشي لقبري واذوق طعم طعنة القلب وينجرح .......... ،،،،،،، جلست رحاب على الكوشة ،، وهي حزينة ودخل عمر ووصل الكوشة وجلس بمكانة وهي تناظرة بقهر وهو يناظرها بحقد ،، وبعد ماخلص العرس بيوم رحاب واقفة مع هند وهند وابو هند بيروحون لمزرعتهم (( وودعت رحاب هند وهي تضمها وتبكي)) {لفراقگم} شكل عـــجـــيب ,,, صوره ~ مثل كل الـصــور ~ بس [ السهر ] غير [ السهر ] ,,, ما / أقدر اقوول إنيــے حزين !! لكن بموت - من / القهر - ومر شهر على زواج رحاب من عمر بس اسم زواج طبعا..... وطلقها .................................. (((رضيت بـ گل ما يرضي الحال بس الزمن بالحيل يلوي يميني ))) .......................................... وعطاء ابوة ورقة الطلاق وقالة بوديها لمزرعة عمي ولاللشرطة؟ ابوعمر قالة ودها لمزرعة عمك،،،،،، وراح عطاء ورقة الطلاق رحاب وهي فرحت انها بترتاح منة ، وركبوا السيارة وعمر بيودي رحاب لمزرعة عمة ورحاب طول الطريق ساكتة مشااا عمر ... تقريبا اربع ساعات ..... ورحاب تتسأل لية طوول ! قالت يمكن المزرعة بعيدة،،،،، ... ومرت ساعة ... وهو يمشي بطريق الطويل ميل السيارة عن زفلت الشارع ودخل للبر،، ورحاب تناظرة وخايفة لية راح للبر !!..... .... مشاء ساعة تقريبا ، ووقف السيارة رحاب مع وقوف السيارة وقف قلبها وخافت منة .....وبنفسها .. الله يستر عمر وهو ماسك الطارة ناظرها وابتسم بسخرية وهو يناظرها من فوق الى تحت ........ ومسك باب السيارة وفتحة ونزل ومشاء لباب رحاب وفتحة وهو يناظرها: انزلي رحاب ناظرتة بخوف : لية!!؟ عمر باستهزاء : لابنجلس هنا انا وياك رحاب مندهشة : كيف ! عمرعصب وماتحمل وسحبها من نقابها ونزلت وبااعلى صوتة : اانزلي سحبها ونزلها بيدينة وهو ماسك راسها مازل ماسكها بعنف وشد الضغط على مسكته ويناظر عيونها سحب نقابها بيدينة ورماة : عشان تعرفين من هو عمررر اللي تغصبينة على شي! واللي ابوي ضربني عشاانك،،، مسك راسها بيدينة وهو يضربة على قزاز السيارة ويرجعة مرة ومرتين وثلاث ورحاب تصرخ: اااااااااااااااااااااااااةةةة اتركني (( الوقت العصر )) عمر : مو مخليك الا وانا قاتلك بيديني ........ ماسك راسها بيدينة وشاد على راسها وقربها للقزاز ووهو يضرب راسها فيه طلع الدم من راسها وهي تصرخ وتتالم من وحشيتة ! ناظرهاا : لاتنسين عمررررررر ...... وضغط على اسنانة وعقد حواجبة وهو يضربها باقوى ماعندة على زجاج الشباك سال دم رحاب على وجهها وراسها وعلى القزاز ،، وارتخت بين ايدين عمر ....... ناظرها وابعد ايدينة عنها وهو يناظرها تطيح على الارض مغمى عليهاا........... عمر ابتسم : ارتحت منك ركب السيارة وطلع منديل يمسح الدم اللي سال على قزازة سيارتة ........ ووركب السيارة ومشاااء يرجع للبيت ،، وهو في الطريق ، بعد ساعتين ..... اتصلت علية البنت عمر رد بصوتة الخشن والجاف : نعم البنت : هلا انتظر العشر الاف بالمحل ............. والساعة سبع يكونون بالمحل واي تاخير انت عاارف ! وش راح يكون على صور اختك باي،، وسكرت بوجهه قبل يرد ........ ضغط بيدة على طارة السيارة : ياحيوااااااااااانة بوصلك وامسح فيك الارض وزاد سرعة سيارتة عشان يوصل للمحل ...... ************************************************** عَليك الله إرحمنيّ .. ذبحنيّ جرحيّ الدَآميّ ************************************************ ** في البر ** رحاب طايحة على الارض بالتراب من يوم اغمى عليهاا ،، والجو حار بس فية هواء ،، وعلى رحاب التراب اللي متطاير من الهواء وعلى راسها ووجها اللي كلة دم تحركت رحاب بصعوبة وهي تتأألم : اااااة راااسي والبر ضلالام ومافية اااي نوور فتحت عيونها تبي تعرف هي وين ؟؟! وناظرت حلوها ضلام بضلام وغمضت عيونها ومسكت راسها بيدينها وشدة اصابعها على راسها من الالم : اااااااااااةةةةة وتفكر ؟ وين انااا وتتلفت حولها وماتشوف الا ضلام ؟ وين انااا وش جابني هنااا يأأألمها راسها مرة ثانية وتمسكة ؟! اااااااااااة متذكرر شي ... وش جابني هناااااااا وغابت عن الوعمي مرة ثانية ... ************************************************** ****** عمر وصل المحل وكلم صاحب المحل (( هذي فلوس لوحدة امانة عندك بتجي بعد شوي عطها الفلوس )) وطلع واتصل على الرقم وردت البنت : هلالا تأأأخرت عمر معصب : كنت بعيد تعالي للمحل عطيتة الفلوس!؟ البنت : اوكي الحين اجي انت روح عمر : زين وسكر الخط ...... ووقف بعيد يبي يشوف من اللي ياخذ الفلوس ! شاف ولد دخل ويكلم صاحب المحل ودخلت بعدة وحدة متغطية بشكل اللي يتسولون وتكلم صاحب المحل طلع الولد وطلعت بعدة الشحادة بشكل العباية المغبرة ! استغرب ؟ من اللي اخذ الفلوس ؟،،،،،،،، طلعت ذكية لاكن بتبع المتسولة معها الفلوس مشاء وراها وركبت السيارة وركب سيارتة وهو وراها ووصلت بيتهم ونزلت نزل عمر يلحقها : تعااالي !! العجوز التفتت لة : نعم خيرررر عمر كشر بوجهها : اااااااااااف ومشا عنها : انا غلطت !! وهو في السيارة يفكر : كيف اوصل لهااا ويفكر (( ياااسر )) كلم على ياسر وقالة ابيك تساعدني ووافق ياسر : تبيني اطلعها لك حاااضر عطني المعلومااات واكلمهااا واجيب لك راسهاا عمر ابتسم : حلوووووووو ( عطاة كل شي وياسر اخذ رقمها يكلمها )) ************************************************** ************ دخل عمر بيتهم وراح لغرفة دلال فتحت لة الباب عمر وقف عند الباب وقفلة وهو يناظرها معصب؟! قرب لها وهي خافت منة اول مرة يناظرها كذاا : انتي كنتي تكلمين وااااااااحد ناظرتة وتجمعت الدموع بعيونها : اااااناااا مسكها مع ايدهااا وشدها لة وطيحها على السرير: اااية تكلمين واااااحد والي يقهر بنت اللي تهددني بصورك وارسلت لي ضرف فية صور لك مع ولد............. قرب لها ومد ايدة وعطاها كف حار على وجهها ،، ضغط على اسنانة وعقد حواجبة وهو معصب وهو يشدد على الكلماات ويرفع صوتة : طاااااااااالعةةةةة معــــــــــــــــــة دلال تناظرة وهي عارفة غلطها،، وهي تتذكر كل شي ويمر عليه مثل الشريط ، وبدات تسيل الدموع على خدها مثل الموية....... دلال وهي حاطة ايدها على خدها يألمهاا : يعني انت ماعمرك غلطت! عمر يكبت غيضة ويناظرها : غلط البنت غيرررر ...... دلال : وانت غلطت بحق رحاب ووماحطيتها مكان اختك كان ماسويت اللي سويتة حنا عرفنا كل شي! عمر ناظرها باندهاش وهو يضغط على اسنانة وعطاها كف ثااني : وش موقفك اذا ابوي شاف صورك قووووووووولي دلال صار خدها لونة احمر و انسدحت على السرير ودفنت راسها بالفرااش وهي تشاهق من الصياح ومقهورة للي يصير لها عمر قام وفتح قفل الباب وطلع وسكرة بقوووووة وهو معصب ! ************************************************** *************** الفجر في البـــــــــــــر الشمس طلع نورهاا ورحاب بعد نومها امس ، فتحت عيونها وهي تناظر السماء وغمضت عيونها وفتحتها ، انا وين ...... قامت وجلست وهي تناظر اللي حولها مستغربة وين اناا ولية هنا ....... مسكت راسها بيدينها يــــــــأأأألمها ... ااااااةةة ناضرت نقابها اللي طايح وقامت تجيبة وتلبسة وهي ماتدري لية سوت كذااا حاولت تتذكر شي بس مو براسها شي : من انا ووش جابني هنااا مااذكر شي!!؟؟ ************************************************** ******** ياسر وصل للبنت ؟ وكلمها وقالهاا انا معي صور لك وحدة مصورتك بالجامعة تعالي نتقابل واعطيك الصور بس بشروط والبنت خافت قالت اجي ززين وقابلتة وقالها مو معطيك الصور الحين ،، بعطيك اياها اذا عطيتيني صور دلال وعلمتيني من هو الولد اللي معها علميني مكانة ؟ وقالتلة البنت كل المعلومات من خوفها وقالتلة كل الموضوع بيدة انا مالي خص قالها ززين اناا اتفاهم معة وكلم ياسر عمر عن الموضوع ....... وقالة بنمشي وراء ثامر لين نطيحة بحفرة ويطلع لنا الصور وش قلت ؟ وافقة عمر وشكرة ......... وقالة ياسر .... يبي لناا خطة لثامر .. فكر معي؟!! ************************************************** ************* في مزرعة ابو هند الصبـــــــــــاح هند جالسة في غرفتها وفاتحة التكييف والهواء يجي عليها ويطير خصلات شعرها وهي تفكر برحاب وش صار عليك يارحاب لية عمر ماجابك لنا لية ؟! الله يحفظك يارحاب والله يعينك على عمر ************************************************** ******* في بيت ابو عمر ام عمر معصبة وصدرها ينزل ويصعد من العصبية والقهر وتناظر ابو عمر وقربت لة : لية ماااقلتلي ان رحاب مو بنت ابو هند لية؟ ابوعمر ناظرها وشد حواجبة بعصبية وبان على ملامح وجهه التكشير : ولدك غلط وصلح غلطتة مافيها شي ولو عرفتي من قبل بيخرب كل شي ام عمر ترمش بعيونها وتاشر لة بيدها : مهمش راايي يعني؟؟! ابو عمر رفع صوتة بخشونة ويناظرها : لالالالالالالالالا بس خلاص ولدك عندك زوجية مرة ثانية ماصار شي ومشا عنها وراح لغرفتة ،،، جلست على الكنب بقوة وهي تشد على اسنانها من القهر ،، ام عمر تفكر : بقهرك يابو عمر وخلي عمر يسافر برا يدرس دكتوراة ، بدون شورك ، اعلمك كيف تكسر كلمتي ودخلت الفكرة براسها ،،، ************************************************** * في البر الصبح الساعة 8 طلعت الشمس وحارة على رحاب قامت تمشي وهي تتكلم : عطشاااااااااانة ياليت القاء احد يساعدني؟ مشت وهي تعباانة وتناظر ماتدري تمشي يمين ولا يساار ولاغرب ولاشرق وولاين ؟ رحاب : بتوكل على الله وامشي بالاتجاة هذاا مشت ومشت وتعب جسمها وعطشت اكثر وهي تناظر شافت بيت من سميت على طين بعيد تشوفة صغير رحاب : يمكن هناك فية احد مشت وحاولت تسرع بس رجولها مو شايلتها من التعب : اااااااااااااااة .. وهي تلهث عطشاانة قربت للمبنى اللي من سميت بدون صبغ بوية ......... وناظرت الاولاد الصغار يلعبون عند الباب واستغربت وهي تمشي تبي تقرب اكثر ************************************************** ************ ايش المكان اللي وصلت لة رحاب ؟؟ رحاب هل فقدة الذاكرة ؟؟ وايش الخطة اللي بيدبرونها ياسر وعمر لثامر عشان يرجع صور اخت عمر ؟؟ عمر لية ماقدر يكشف البنت اللي تهددة ولحق العجوز ياترا في الامر سر ؟؟ انتظرونـــــي باالجــــــزء الســــــــــــــــادس |
|
|
لبيك يالحد الجنوبي
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
العرض العادي
