-*™£ منتدى آل شراحيل بفيفاء£™*-

-*™£ منتدى آل شراحيل بفيفاء£™*- (http://www.sh22r.com/vb/index.php)
-   【 منتدى عطر وعذب الكلام والخواطر 】 (http://www.sh22r.com/vb/f11)
-   -   يمــه اشلونـــكـ واشلـــــــــون المــرض ويــــاكـ؟ (http://www.sh22r.com/vb/sh22r9553/)

منتهى الرقة 03-03-2010 09:39 AM

يمــه اشلونـــكـ واشلـــــــــون المــرض ويــــاكـ؟
 
يمه شلـونك


يمه شلونك...ملل هالــكــون من دونك ..


يمه شلونك وتمضي رحلة الدنيا..


بليا طلة عيونك..!!


يمه شلونك وشلون المرض وياك


بعد ماهدك بدنياك..عساها تغمض جفونك


تبين تعرفي عن احبابك عن عيون تغنا بك عن قلوب دفنها الشوق..واذا جاها الغفا جابك


.. يمه ابوي يتخيلك دوم...تغني له ..مع القمرا..


يمه واللي خذاك بيوم....خذا بنيتك بكرا..


خذها.. وياماخذها.. وياما..خذا ناس يحبونك
يمه حنا غدينا كبار..توفقنا وتخرجنا..


يمه ماعاد فيه صغار..يموج بهالزمن كل شي..


وحنا ماتموجنا..على ذاك العهد نسري..


نبيع العمر والدنيا..ولا تخلفي بنا ظنونك


يمه شلونك تبين تعرفي اخباري


عن افكاري وتذكاري


اشيلك داخلي جمره ..وبعيون الحزن عبره..تغرقني .. وتحرقني..


اشوفك نجمة تجبر..مراعيها .. يراعيها..


يمه ..اذا شد الزمن تقسين..واحلم من معاني الحلم..احسك مقبله باكر..وعيا لايجي باكر !!


يمه تذكرين زمان مر


يمه تذكر ين مجالسنا


مقلطنا ومجلسنا


وحارتنا ومسجدنا


يمه تذكرين هدايا العيد


صلاة العيد وثوب العيد


يمه تذكرين سوالفنا


لاجل هذا ..


وكل هذا ..


اقول اليوم يايمه ..


ملــــــــــــــل هالكون من دونك


يمه وينك .... ولهت لنظره من عينك ....
يمه وينك


اشوفه طوّل غيابك !! ... و من ودّاك .... ما جابك !!


قالوا ما يدوم !! ... و انا عندي امل للحين ..


و لكني اعرفك وين !!
يمه وينك
عسى الداعي يمه بس خير !!


عساك بخير .... مداين تكرم لعينك ...


بس ارجوك علميني ...


علميني .. يمه وينك


سألت اابوي عن رجوعك ... ولا كني اعرفك وين !!


و قال .. ما يدوم !! ... و انا .. عندي امل للحين ..


في رجوعك !! ....يمه بس تكفىين علميني ....


متى رجوعك .... يمه بس تكفين علميني .


وش احلى من طلوع اثنين


طلوع الشمس .... و طلوعك


يمه وينك


سألت ابوي ...... غيابك طال


ولا كنّي اعرفك وين !!


و قال مثل ما قال .. حسافه ...


ما يدوم ... مع كل هذا صدقيني .. انا عندي امل للحين !!


سؤالي عنك ياامي .. صار كما الموال


و اشوفه طال ... والله طال ..


حزينه .. بلحنها و حروفها ... خوفها .. يموت من خوفها ... و قلبها ٍ كان اقوى قلب ... ضعفها .. من قسوة ظروفها ..


يمه ..


ارجوك علميني ...


تشوفين اللي انا اشوفه


انا اشوفك نهار و ليل ...


في وسط المجلس تصلين .. و تدعين الرب ييسر لي ..


يمه ..


ما عاد بي من حيل .. وين الحيل


و انا اشوفك نهار و ليل .. مع اني ادري ما ترجعين !!


غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!


يمه .... وينك


و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..


و لا ادري وش يخبي الغيب !! ... و جرح ٍ عذ ّب احبابك .... يمه ..عيّا يخف و يطيب !!


يمه.. كل جرح في الدنيا .. مصيرها بالدوام تلتم ... و لكن البلا من جرح ..


نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!


ينزف ... بس بليّا دم .. و زاد الهم فوق الهم ... و دام انك يمه غايبه ... جروح الغيبه ما


تـلتم ..


بس عندي امل للحين !! ... و لا كنّي اعرفك وين !!


يمه .. ذكراك تفرحني ....


في نفس الوقت تجرحيني !! ... لا من جبت في طاريك ... دموعي غصب تفضحني ....


يمه .. تذكرين ليالي الصيف


عرس الحي .. و رقص بعرس


و كرم قلبك معَ هـالناس .. كل ٍ كان في بيتك ضيفه ..


الا يا حيف .... الا يا حيف ..


زمن قاسي .. زمن قاسي ...


اخذ مني بلا رحمه ... اخذ مني اعز ناسي !!


و خلاّ لي سهر هالليل .. في عيني ضيف .. الا يا حيف !!


يمه وينك


تعالي و شوفي ...


كبرنا مثل ما تمنيتي ... درسنا كل ما حبيتي .. نصلي مثل ما وصيتي .. و ندعيلك في كل ظروف ..


يمه وينك


تعالي و شوفي .. صحيح الدنيا ما ترحم ..


تجرعنا التعب انواع ... و لكن الأمل ما ضاع ..


و انا عندي امل للحين !! ... و لا كني اعرفك وين !!


يمه تذكرين شطانـتـنا


انا و اخواني و اخواتي ... معانا بنات حارتنا ..


نلعب في زوايا البيت ..يمه... والله انا حنيت ..


لذاك الوقت في وجودك ... الا يا ريت ... الا يا ريت ...


ترجعين .. يا يمه حنيت ..


حسافه الدنيا ما ترحم ...


خذت منا سعادتنا ... خذتك بعيد .. و خلتنا !!!


يمه ابوي يذ كرنا ... بأيامك قبل ما تروحي ... تناديه.. يا روح الروح ..


تغازلينه و تنظرين له .. مثل طفله ... ملامحها عشق مفضوح ...


في ذاك الوقت .. كنا صغار ...


معَ هذا ... كنا نغار ..


عليها .. او بعد منها ... كنا نغار


نحبك يا يمه ... ارجعي .. مثل شمس الفجر .. اطلعي


حزينه الشمس في غيابك .. و نفس الحزن في احبابك .. واخاف الشمس من حزني ..


تغيبي و ما بعد تطلعين !! .. يمه ارجعي !! ... اذا لي خاطر فـ قلبك ..


تعالي و زورينا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..


لكن قلّت الحيله ... و يمكن مـ البطا ضاعت ..


و قلنا يوم !!


يمه سامحني بترخّصين ... قبل ينشف حبر الأقلام .. كلامي بعده ما خلّص ..


و لكن موعد الأحلام .. حان ..


ولازم اوفي له.. بعد ما ضاعت الحيله .. اشوفك والوعد باكر !!


اذا فكّر يجي باكر ..!! .. و برجع اسألك وينك !!


بس لازم تجاوبيني .. ترين عندي امل للحين !! .. و لا كني اعرفك وين ..!!


يمه شلونك


ملل هالكون من دونك


يمه شلونك


وتمضي رحلة الدنيا ... بليا طلة عيونك


لاجل هذا ... وكل هذا ... اقول اليوم يايمه



ملل هالدنيا من دونك


[الله يخلي لي امي]

لبيك يالحد الجنوبي 03-03-2010 10:18 AM

رد: يمــه اشلونـــكـ واشلـــــــــون المــرض ويــــاكـ؟
 
منتهى الرقه
بارك الله فيك
موضوع ممتاز خاصه انا العنوان يكفي الحاله
يمه واشلون المرض وياك
سلمتي مبدعه وحنونه وقلبك طيب يعطيك العافيه
تقبلي مروري المتواضع
لبيك يالحد الجنوبي

‏صدى الحرمان 03-03-2010 12:06 PM

رد: يمــه اشلونـــكـ واشلـــــــــون المــرض ويــــاكـ؟
 
الله كلمات رائعه
يعطييك العافيييه
منتهى الرقه

&غــرور الــورد& 03-03-2010 12:27 PM

رد: يمــه اشلونـــكـ واشلـــــــــون المــرض ويــــاكـ؟
 
مشكوره منتهى خاطره ابدااااااااااع

ورده في مهب الريح 03-03-2010 02:37 PM

رد: يمــه اشلونـــكـ واشلـــــــــون المــرض ويــــاكـ؟
 
عندما يكون البوح عن الام
فكل حروفنا تكبل امامها وتظل قابعه
في الزوايا خوفا من التقصير بحقها
ولكن يامنتهى ابدعت بما سطرتى
والله يخلي لك امك ويخلي للجميع امهاتهم
لفته رائعه تنبه كل عاق بان امه هى
الكنز الذي اذا فقد خسر كل شئ
فكل شئ يعوض الا الام
اشكرك كثيييييييرا

لك وردى واريج عطرى

منتهى الرقة 03-03-2010 02:42 PM

رد: يمــه اشلونـــكـ واشلـــــــــون المــرض ويــــاكـ؟
 
ورده في مهب الريح
شرفني مرورك العطر وكلماتك الرائعه
فلك مني كل الحب
.....

مغروره وابوي السبب 03-03-2010 03:04 PM

رد: يمــه اشلونـــكـ واشلـــــــــون المــرض ويــــاكـ؟
 
منذ زمن يامنتهى لم اقرا خاطره بهذا الجمال
برغم انها ابقت بقلبي غصه كبيره وشدني الحنين الى امي الغاليه
جعلني فداء قدميها
شكرا على هذا الطرح المميز
اسعدك الله دوما

عابرسبيل 03-03-2010 07:59 PM

رد: يمــه اشلونـــكـ واشلـــــــــون المــرض ويــــاكـ؟
 
شكرا منتهى الرقه
على هذا الموضوع الرائع
لكي ودي وعبير وردي

عابرسبيل

الشراحيلي المهاجر 03-03-2010 08:54 PM

رد: يمــه اشلونـــكـ واشلـــــــــون المــرض ويــــاكـ؟
 
يعطيكي العافية
ع الموضوع الرائع والمميز
تمنياتي لك بالتوفيق

منتهى الرقة 03-04-2010 01:17 AM

رد: يمــه اشلونـــكـ واشلـــــــــون المــرض ويــــاكـ؟
 
شكرا لمروركم المتواضع كلا باسمه
اسعدني تواجدكم الرائع
فلكم كل الشكر
.....


الساعة الآن 04:53 AM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
SEO by vBSEO sh22r.com