اسير الصمت 08-10-2010 05:52 PM ذبحني قلبي الســاكت   يكلمني عن جروحه .. وأنا من سبِّته مجروح يسولف لي عن أحبابه وأسولف عنَّه لـ حاله .. أحس في دمعة عيونه , وتطلع من بكاه الروح وإذا يفرح مع غيري . . . بكى قلبي و هنَّاله .. رسمته في قلم ناشف على قطعة خشب من لوح و تهيألي يحاكيني !! ويبيني أرسم إظلالـه تحرَّك طيفه الدايم . ولَعَب في حسبتي بجْموح . يحب الخيل .. و أشعاري .. عشانه صاروا خيَّالـه وصار بـ عيني الأجمل مع إنَّ شوي .. مملوح ولا غيره مــلا عيني و قلبي بس يصفالــه ذبحني قلبي الساكت ! .. متى قلبي عليه يبوح ؟؟ أحبه وماعرف إني أحبـه , و أعشق وصاله .. كتمت وهذا من طبعي وتمنيت الغلا مفضوح ببيِّن له و لا أقدر !! مع إنِّي جالس قباله .. أخاف إنّه بعد مُدَّه يطير ... ومن إيديني يروح ! هو نعمه من فضل ربي ويقولوا : النعمـه زوَّالـه .. لي قلبٍ من كثر حُبه على فراش التعب مطروح لا هو ميت و لا عايش !! ووالله إن مـااات أشواله و حبي من طرف واحد , غلا صادق بدون مزوح وإذا هو طاح قداامـي نزلَّـه قلبي و شــاله .!! شكالي وكنت له أسمع و قلبي دوم له مفتوح يطمِّني عن أخباره و شنهي آخر أعمالـه وإذا شفته خطا بـ حقي بدون أعذار هو مسموح في نياته ولا يدري وطيبة قلبه همَّالـه .. في جياته يروح الهم ويبدِّل دمعتي بـ فروح تمنيت البشر مثله و كل من حولي أمثاله . !! من الله حُبه في قلبي حشى مالي ترى مصلوح , عسى يكبــر و يذكرني ويسمِّي بـ إسمي إعيالـه

ابوعبدالرحمن 08-11-2010 04:11 AM رد: ذبحني قلبي الســاكت   http://www14.0zz0.com/2010/07/13/16/742682321.gif اخي/اسيرالصمت الله يعطيك العافيه على هذا الطرح الرائع الجميل قصيده روعه وابيات اروع وكلمات معبره وحروف ذهبية واحساس راقي ومشاعر مرهفه مبدع ومتميز دام ابداعك وتميزك سلمت الايادي وسلم نبض قلبك اختيارموفق ونقل راقي تقبل شكري وتقديري لك خالص ودي وحبي http://www6.0zz0.com/2010/07/13/16/495694395.gif

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO sh22r.com