-*™£ منتدى آل شراحيل بفيفاء£™*- - من بغى الفرقا لقـى لـه عـذر واسبـاب ودليـل

- 【 منتدى الشعر وهمس القوافي 】 (http://www.sh22r.com/vb/forumdisplay.php?f=10)

- - من بغى الفرقا لقـى لـه عـذر واسبـاب ودليـل (http://www.sh22r.com/vb/showthread.php?t=17252)

من بغى الفرقا لقـى لـه عـذر واسبـاب ودليـل

http://www.9o9i.com/upfiles/fx994144.gif
من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة (قال) مدري خوف ( قيل )
عمر (هرج الناس) مايسمـن ولايغنـي جيـاع

كان قصدك (سر حبك)..اوعدك لأصبح بخيل
واحمل اسرارك معي للمـوت قدر المستطـاع

بس قلها...قل مااحبك...وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـــاع

ماعشـق لـذّة حياتـه كثـر عشـق المستحـيــل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمس وش معنى الوداع

وكم تعلّم من سحاب الصيف وش معنى الحصيل
وكم تعلّم من ليـال البـرد وش معنـى الضيـاع

ايه انا هذا طريقي (موحش ..وصعب .. وطويل)
وانت لامنـك تعبـت .. العالـم فجوجـه وسـاع

اعتبرنـي فـي بدايـة ســــكّـتـك عـابـر سبـيـل
ورح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
عاشر احبابه شجـاع .. وفـارق احبابـه شجـاع
http://www.9o9i.com/upfiles/WLi94144.gif
م/ن