-*™£ منتدى آل شراحيل بفيفاء£™*- - قول عادي.. بالي اليله طويل ..

- - قول عادي.. بالي اليله طويل .. (https://www.sh22r.com/vb/sh22r28690/)

قول عادي.. بالي اليله طويل ..

قول عادي.. بالي الليله طويل ..
............ شُوف لِك عذرٍ قديمٍ / وأقبِلَه !!

لا تخافي... قلبي مِتعَوِّد يشيل ..
............. الجُروح الي تجي له مُقبِلَه ..

" طيبتي " صارت مثل كف البخيل
............ أيِّ شَي طايح .. تِشُوفه ؟ تحمِلَه

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَه

وعادي جداً .. إنِّي الليله عليل ..
............ الحزن : يحْسِبني واحد مِنْ هَلَه !!

ومو غريبه .. لو تِمَنِّيت الرحيل
............. البقاء أحيان , يعني .. البهذلَه !!

في غيابك .. ما لَهَا الضيقه مثيل ..!
............. وربِّي الِّي .. ما يشاءه , يفعلَه

مِنْ يلاقي ل دنيتي هذي بديل ..؟
.............. خل يجيني أي شخص .. أبَدِّلَه

وعيب راسي لا بغى شي " مستحيل "
.............. يوصله مو طيب .. غصبٍ يوصلَه

ليه راجع ؟! ليه ذاكر ..؟ ي الأصيل ..؟؟
................ إنت ضايق.. ؟!في خطأ بالمسألَه !!

وليه تبكي مِنْ كلامي يالدخيل ..؟
............... المشاعر .. ما لَهَا بقلبك صِلَه ؟!

و البلا .. إن حَبْ أنسان " ثقيل "
.............. ينسى مِن حُوله ويسْمَع مُذهلَه !!

مِن عرفتك .. ما بقى باليَد .. حيل
.............. ولو بكيفي .؟ قلبي محدٍ يدخلَه

ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَه !!

فاقد الإحساس / ما يعطي القليل
............... وإن عطيته إحساس قلبك ؟ يقتِلَه !!

إيه ب أرحل والطريق أدري .. طويل ..
............... مشكله " قربك " .. وبُعدِك مشكلَه .!!.

وإن خذاني المُوت إترك قالٍ وقيل ..
............. قول هالجُمله .. وخطاك (أمحلِّلَه

ربِّي ألهَم أهله الصَبر الجَميل .. .........وإرحمه يا رب وإحسِن مدخلَه!!!