-*™£ منتدى آل شراحيل بفيفاء£™*-

انواع الاطفال

البزر المفهي
هو بزر مايدري وين الله حاطه
أي شي تقوله له بيقول هاه
مستقبله :
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..
مثال :

http://images.abunawaf.com/2005/08/q...qqqqqqqqqq.jpg

البزر الجنتل مان أو الجنتل بيبي :
بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره
مستقبله:

يكون من اكبر المرقمين في ديرتهم ويكون اسمه في اللوحه السوداء عند الهيئه

مثال:

http://images.abunawaf.com/2005/08/q...qqqqqqqqqq.jpg

بزر زلابه:

غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي ..
مستقبله :

يستمر زلابه الين يتزوج ويصير خاتم في أصبع حرمته
مثال :
http://images.abunawaf.com/2005/08/ddddefdqw.jpg

البزر المهايطي :
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
مستقبله
يستمر مهايطياً للأبد وقد يفقد حياته بسبب الهياط..
مثال :
http://images.abunawaf.com/2005/08/q...qqqqqqqqqq.jpg

البزر العصبي :
هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر
مستقبله:
امراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد ..
مثال :
http://images.abunawaf.com/2005/08/SDFSDFSFSD.jpg

البزر الملقوف :
هالبزر عكوز بكوز في كل مكان مركوز ... لا تستبعد ان تجده في أي مكان
مستقبله :
بيجيب العيد وماظنتي بيصير له مستقبل ..
مثال: http://images.abunawaf.com/2005/08/eqrgfqewrgfqwe.jpg

البزر الدافور :
هذا البزر دائما متفوق في دراسته دائما يحب يتعلم ويتثقف هالعينه
مستقبله :
دكتور .. مهندس .. او أي شي زين أما إذا كان عندنا بالسعوديه فآخرته مصكوك بعين
مثال:

http://images.abunawaf.com/2005/08/ergfqewrgqfewrge.jpg

البزر اللي عليه حركات ويسمى أيضاُ البزر المتميلح :
هذا النوع خطير جداً ودايم يجيب المصايب
وهو من النوع اللي مايهرول عبث
مستقبله :
احتمال يجيب العيد أيضاً
مثال:
http://images.abunawaf.com/2005/08/q...qqqqqqqqqq.jpg

البزر اللي حظه مقرود :
هذا النوع من البزران اقل مايقال عنه انه مسكين حظه شين دايم
مستقبله :
سيئ للغايه
مثال:
http://images.abunawaf.com/2005/08/sadqedqdqd.jpg

بزر مدمن تلفزيون أو بزر دلخ :
24ساعة عند التلفزيون يتأثر على طول أي شي يشوفه يروح يسويه

مستقبله:
يظل دلخاً للأبد
مثال:

للأسف مدمن مسلسلات مصريه ..
http://images.abunawaf.com/2005/08/exrwgxe.jpg

بزر رومانسي :
راعي جو .. حساس ..
مستقبله :
شاعر
مثال: http://images.abunawaf.com/2005/08/efqefwqe.jpg

بزر رايق :
24 رايق من زود الروقان عنده تشوف عليه احيانا حركات غريبه
مستقبله :

مستقبل زاهر إن شاء الله
مثال:
http://images.abunawaf.com/2005/08/qergfrgfewrg.jpg

البزر اللي مدري وش يبي
ماينعرف له مره تقول إنه ذيب مره تقول إنه زلابه
مستقبله :
ياأنه يطلع ذيب أو يطلع زلابه وهذا المتوقع
مثال :

http://images.abunawaf.com/2005/08/ewrvfwrgrgqe.jpg