11-17-2011, 11:49 PM
|
#1 | |
 
|
إلى الروح : الباقيه ..!!
هذي حمامه .. بشباك السهر ناحت ! والفجر يطلق يدين الشمس ، من بدري كن المدينه .. غمرها البحر / وأنزاحت لا ناس فيها .. ولا شارع على خبري مشيت حافي حزين .. ورجلي أرتاحت ! اصلاً جلوسي مرض ، والنوم / مايغري بين الطلل .. والرسوم الباليه ، فاحت : ورده حزينه .. وجاوب ناي في صدري ! تميل بسمه بوصفه .. لين ما صاحت الأرض وانكرت عزمي ، وقفتي صبري ! عامين مرت وراحت .. كّن ما راحت أمشي واعض الشليل / لوين ما أدري اكافح الموت .. والأمراض ، ما باحت ! واشوف وجهه تمدد / في سما فجري خيل المواجع .. تدك الصدر ، واجتاحت قلبي وشي ٍ .. كتبت لخاطره ، شعري فيها تحدى : ضبابي نجمة ٍ .. لاحت ! واغتالها بـ السكون الغامض .. السحري للملح والنار دمعه .. ما بعد / ساحت ! ذخرتها للكبير .. وقلت / يا صغري ! لا زرت قبره .. وضميت الثرى طاحت هذا وانا شايل الدنيا .. على ظهري ! وجهه تعلق هنا .. لو بسمته ، شاحت ! وانا معلق / وعيّا .. يعتدل أمري حمامتي تنعي .. الآحباب / لا ناحت !
وانوح ، والمح على شباكها .. قبري ! |
|
 
التعديل الأخير تم بواسطة ابوعبدالرحمن ; 11-18-2011 الساعة 01:03 AM
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
