تعال قـدر وقفتـي يـوم أناديـك لا تجرح المشتاق لحظة وصوله

تعال قـدر وقفتـي يـوم أناديـك
لا تجرح المشتاق لحظة وصولـه
إن كان تبغيني فأنـا ميتـن فيـك
جيتك من الأشواق رجلي عجولـه
يا حظ أرضن بان فيهـا مواطيـك
ويا حظ بيتن عشت فيه الطفولـه
قلبي ورى الأضلاع بالشوق يدعيك
وسمعي تمنى يسمع اللـي تقولـه
وعيني تشوق لك ومرات تبكيـك
من دمع ضيقات الزمان مخذولـه
واللي خلقني عايشن في رجاويـك
ما همني هالكون عرضه وطولـه
ماتدري إن الدمع والليـل يرثيـك
وشرح الصدور من الغلا معلولـه
يزورني طيفك بليلـي وأخاويـك
والوقت يمضي والجروح محموله
وشلون ترضى الهجر يقفي بغاليك
وشلون ترضى تعيش منت بحوله
الكل سالي فـي حياتـه وناسيـك
وأنا الوحيد اللي عنت لك خيولـه
حتى الهوى لا هب ياتي بطاريـك
أتنفسـه وأقـول هـذا رسـولـه
الحظ وينك جابنـي فـي مرابيـك
والقلب عاش بسبتك فـي ذهولـه
خليتني جرح الزمن من تجافيـك
والدمع في عيني تزايـد هطولـه
تجري بنا الأيام والبعـد حاديـك
واللي ورى يدين العرب من ينوله
لكن ترى باقـي بقلبـي مواريـك
سبحان من جابك وأخذك بسهولـه

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>