قلت السبب واضح ولا نّاب جهال
لا تقول مالك في حياتي وزينـي
ترى الكذب حبله قصيرٍ ولو طال
اهديت لك عمري وقلبي وعينـي
ارخصتهم ورخيت سمعك للانذال
ياما سقيتك من هواي وحنينـي
وجاوبك قلبي يوم لبيت في الحال
ياما سهرت الليل انطـر تجينـي
والليل عدا ما تبين لـك اهـلال
وياما شعاع الشمس حرّق جبيني
لا ضمني فيّك ولا حولك اظـلال
سيف الغدر ياصاح حده سنينـي
جرحه خطيرٍ لا جرح حيل قتّـال
واليوم بانت لي خوافي سنينـي
غدرٍ ستره الوقت بين بالافعـال
دربك شمال ودرب خلك يمينـي
مانلتقي لا تحاول اليـوم تحتـال
بعزف لك اشعارٍ لَحنْها حزينـي
ابياتها تغنيك عـن كـل مـوال
وليا سألك القلـب عنـي يبينـي
قله حبيبك مـن فعايلـك مهتـال
دور بدالي منـت ملـزوم فينـي
دور وتلقى في البشر غيري ابدال
العرض الشجري
