فرحة يتيم ليلة العيد ما نام...

فرحة يتيم ليلة العيد ما نام...

فرحت لك .وأنا معاليقي حطام
والصدر من ما فيه بيّح كنينه

فرحة يتيم ٍ ليلة العيد ما نام !
خالاته , وخواله .. مواعدينه

مواعدينه بشت .وشماغ بسّام
ويلّعبونه .. في ملاهي المدينه

مانام .. واحلامه تحّراه قدام
كنه يطول أحلامه بـ راحتينه )

صبحه تجّلا نوره بـ عيد الاسلام
وقبل يروح المسجد : ملّبسينه

جده ما بين العين والجيم واللام
خلّيه يافلانه .. ولا تأخرينه !

تراقبه بـ / عيونها .. حب وهيام
وعيونها .. ممّا تكنّه / حزينه

"يعرض لها الماضي مثل عرض الافلام "
لـ .. ماضي ابوه وغلاه وحنينه

يرجيه لـ ( سنين القسا ) درع وحزام
وجنب ٍ على صكات بقعا يعينه

ابو ثلاث أعوام .. والا 4 أعوام
يغار منه البدر .. من كثر زينه

صلّى وجاء وأمر الله اللي قضى تآم
ماهوب داري عنه زينه وشينه

بشته عليه .مهندم ٍ خير هندام
واللي بـ / عمره .كلهم محترينه

يوم اطلعو للشارع انقسمو أقسام
وأهم مافي القصه ؟ ملّعبينه

تداعب رموشه .ذعاذيع الانسام
ويابردها .. يوم آيبست شفّتينه

و ع تراب الأرض بأصبعه رسّام
أما رسم له طير .. والا سفينه

العيد طعمه كان بالشارع العّام
ماهوب عن رغباته .. مقيدينه

رجع ولكن فرحته ضايعه ( دام :
كل ٍ مشى ) وأخذ ولده بـ/ يمينه

صاروا خواله في نظر عينه اصنام
آحيوا بـ .. داخله الجروح الدفينه

ولا عنده الا أمه وناب القهر سّام
جاها يبي منها اليدين الأمينه

شعوره اللي حس به مثل الإلهام
وأول سؤال في باله أبوي وينه ؟

سؤال : لكن كان مثل النبا الهّام
لازال باقي في المسامع .. رنينه

جته تعدي ماهو تخّطي بالاقدام
وشالته بيديها .. وحبّت جبينه

أبوك جاء البارح وقبل الفجر قام
وشرى لك ألعاب , وهدايا ً ثمينه

تراه حبّك وأنت غارق في الاحلام
وراح لـ دوامه , والشغل مرسلينه

لحظه وهو بين الحقايق والأوهام
والدمع الازرق حاير فـ .. مقلتينه

يمّه : ترى مانمت والعالم نيام
ماجاء .. ولا لمست يديني / يدينه

مدام رقمه معك من بين الارقام
بـ .. أكلمه , يوم إنك تكلمينه !

طاحت ما كن آلها من الصدمه عظام
ولاعاد فيها صبر .. ولا سكينه

قالت بدون شعور وإدراك وإلمام
أبوك ! في تراب القبر دافنينه

العام مات .. ومتّ من موته العام
وكني بعد مامات عني سجينه

أبوك جندي للوطن ضد الإجرام
عطاك عمره دون داره ودينه



لله درك يابن فطيس
الله اكبر كم وصفت وأبدعت بكلماتك
ارجع وأقول
لله درك يابن فطيس

لامست شيء ما في داخلي...

الحريصي...

كلمات بقمة الروعه
دام قلمك ينبض بكل ماهو جميل
بنتظآرجديدك بكل شوق
ودي وشذى الورد

شكراً لك عاشقة المستحيل
على مرورك....

أبوك جاء البارح وقبل الفجر قام
وشرى لك ألعاب , وهدايا ً ثمينه

تراه حبّك وأنت غارق في الاحلام
وراح لـ دوامه , والشغل مرسلينه

يااميرالكلمة

لله درك مااروع ماختارته لنا اناملك واحساسك الحنون
كلمات رائعه تملك الحزن والامل
حروف من الحزن تذرف لها دموع العين والقلب
ربنا ارحم جميع موتى المسلمين
وكون في عون جميع الايتام والارامل والسكالى
الـحـريـصـي
دائما تبهرنا في مواضيعك لما تملكه من جمال الحرف ومعناه
دمت بكل خير وسعادة ودام عطائك يزيدناشوق لكل ماهو جديد لك
لروحك الطيبة النقيه الشامخه كل التحايا معطرة بعطر الكون


بـنـت الـنــور

يعطيك العافيه خيي

بصراحة قصيدة مؤلمه بالممره

سلمت وسلمت اناملك

دمت مع من تحب

لاهنت يعطيك العافيه على طرح هذه
القصيده التي تخطت عنان السماء
بروعتها وبريقها أبيات اكتست
بالجماليه وتحلت بالإبداع
دام نبض قلمك اعجبتنا
وحازت على رضانا
ودي واحترامي

هذه مدونة[{ أبوعبدالرحمن }]

http://www.sh22r.com/vb/showthread.php?t=10045

مررهـ رآئعهه
يعطيك آلعآفيهه الحريصي
ودي لكـ

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>

أخــي (( الـحـريصــــي ))

أشكــركــ علــى طــرح القصيــــدة الرائعـــة والجميلـــة
سلمـــت يمنـــاااك علـــى ماخطتــه لنــا مـن حــروووف
ذهبيـــة تثيــر مــن يقـــرأ بالإستمتـــاع فــي قـــراءتهـــا
فقـد أذهلنــي جمـــال قلمـــك البــــاهــر ويعطيــك العــافيــة
علــى روعـــة الطـــرح تقبـل مـروري ولــك أجمل تحيـــاتـي


أخـــوووك ((** أبـــوغــــــلاااااء **))

فرحت لك .وأنا معاليقي حطام
والصدر من ما فيه بيّح كنينه

فرحة يتيم ٍ ليلة العيد ما نام !
خالاته , وخواله .. مواعدينه
اشكرك ع هذا الابداع وهذه الابيات..
لك مني اجمل تحيه...

الحريصي

سلمت اناملك الراقيه
على هذا الطرح الراقي
كرقه مشاعرك الراقية
تقبل مروري المتواضع
لك ودي وعبير وردي

عابرسبيل

للتـوآصل

♥منتديات قبيلة آًل شراحيل بفيفاء♥