-*™£ منتدى آل شراحيل بفيفاء£™*-

طال السكوت .. وظاق .. صـدر السواليـف
والبال .. من كثر الهواجيـس .. عايـف.!
والليل طااال.. وطارق الصبـح .. ماشيـف
وانا .. وصمت الحـزن .. صرنـا ولايـف

اسج .. مع هجـس الطواريـق .. واعيـف
هجسي .. وطاروق .. الضلوع النحايـف.!
تجوع .. سلمى ..! واترك .. الكم .. والكيف
واقسـم .. رغيفـي .. بيننـا بالنصـايـف

اقـرأ.. وتكتبنـي .. قضـيـه وتعـريـف
وتظمـا .. وتشربنـي .. نجيـب وذرايـف
صمت الشعور .. احساس .. ماله تواصيـف
أكبر .. من حروف الحكـي .. والوصايـف

ياسيف .. كيف اشرح لك .. الوضع ياسيف
اقلامنـا جفـت .. ورفعـت .. صحـايـف
كيف ابتدي ..؟ يامسندي .. وانتهـي كيـف
من دون كيف..؟ انا مثل مانـت .. شايـف

شفني .. بقايا انسان .. والوقـت كالسيـف
وحظي كفيف ..! وفرحتي ..! حلم زايـف.!
همي بحر .. وضلوع صـدري .. مجاديـف
والعمر مركـب .. بيـن الأمـواج طايـف.!

وقلبي وطن .. وعروق قلبي .. تجاووويـف
للحزن .. وهمومي .! شعـووب وطوائـف
صوعات بقعـا .. والقـدر .. والصواديـف
ورتنـي .. اهـوال السنيـن .. العجـايـف‏

أتبع.. خريف العمر.. فـي رحلـة الصيـف
وازحف ..على حـد السيـوف .. الرهايـف
الليـل .. مفتـاح السهـر .. والتكالـيـف
والصبح .. مفتـاح القهـر .. والحسايـف

والصبـر .. مفتـاح الضلـوع المناحـيـف
والحـزن .. مفتـاح الجـروح الرعـايـف
والمصلحـه .. مفتـاح بـاب المواقـيـف
والواسطـه .. مفتـاح بــاب الوظـايـف

والفقـر .. يفتـح للوجـيـه المصالـيـف
بـاب الصلافـه .. و الضعايـف ضعايـف
لاصار لـك .. حاجـه .. ولالـك معاريـف
بشت القناعه .. ‏خير .. من بشـت (......)

ان قلت لك خايف..! تـرى مانـي ضعيـف
ولاني شجاع .. ان قلت .. مانـي بخايـف؟
ياسيف .. وش عذر المعازيب .. للضيـف؟
لامنهـا ضاقـت .. صـدور المضـايـف.!

قـل للسوافـي .. لوتـهـب العواصـيـف
عنـهـا رقيـنـا .. عالـيـات النـوايـف
تسفي .. وحنا .. فـوق روس المشاريـف
في راس نايـف .. والخلايـف .. خلايـف

وقل .. للضعوف .. اللي تحسب المصاريـف
حنـا ترانـا .. ماحسبـنـا .. الكـلايـف.
لوشحـت .. يديـن الزمـان .. المناكيـف
نبقـى علـى ..عهـد الوفـا .. مانزايـف

وان طال .. بـال الليـل .. قـل للسواليـف
بوح السهر .. من ظيقه .. الصدر عايف..ّّ!!