-*™£ منتدى آل شراحيل بفيفاء£™*-

ليت الوداع يـموت لا جيــت اودعــك *
* والا نــمــوت اثـنـيـنا بـوقـــت واحــد

يالكنز ياكنز الــهنــا ما اقــدر اجمعك *
* وأنت الـقلـيــل الـلــي فـــي العين واجد

أحاول اشــرد عنك والقانـــي اتبعك *
* لو بات في درب الوصال الف حاسد

اسمعك لو ناديــت لو كنـت ما اسمعك *
* وأشـــاهــدك بالعـــين فـــي حلم شارد

وأتخيلك جنـــبي وأنا اهــتف بمسمعك *
* أقــول احــبــك خــلك الــيــوم شاهـــد

أنــا الـــذي حـــــبـك وودك ودلعـك *
* مـيـر الـزمــن يــفــرض علـينا التباعد

جيت أعلن الواقع ولو مــا اقدر اقنعك *
* إن الظـروف أكــبــر مــن أحـلام ناهد

جيت امنعك بالطيب بالغصب بامنعك *
* يــارزق جا بــالحظ فـــي كف راقد

لا ترتجــف ما جيت اخوفـك وافجعك *
* استــقــبل الــموضــوع بإحساس بارد

خـلـك مـع الثانــي ترى حبي اوجعــك *
* وش لك وللدوخـــه وطــــول المطارد

يقطع زمـــان الحــب كــلـه ويــقطعك *
* من كــثـر حــبــي لك تحول حاقــــد !

هذا انا لو قـلـت بانفعـك ما انــفعـــك *
* ما دام بــاقـــي وجـــه الايــــــام جامد

لا.. والبلا يبقى الوفــا لــو اودعــك *
* العين مـــا يــحلـــى لــهـا غير واحد !