-*™£ منتدى آل شراحيل بفيفاء£™*- - قصيدة بعنوان / طول الله عمرها .

(طول الله عمرها)

كيف أدون بيوت الشعرواعذب لحونه
في غزال(ن)عيونه ساحره من حورها

تخطف القلب وتله وهزن ركونه
فاتنه يعلم الله من بحسنه غمرها

في نظرها سحرموسى وهارون عونه
نادره من شكلها والشهد في ثغرها

ميلتني الجميله بالرموش السنونه
واغرقتني بموج إعيونها في بحرها

صرت فيها قتيل(ن)من حلايا فنونه
خدها بدرساطع والشمس من نحرها

من خلقها كساها بالحلل فوق كونه
ليتني كحل عينه من يداعب نظرها

زينها زين حواء ياقف الزين دونه
كيف أقدر أصفها والنفس في خطرها

من حسدها عسى المعبود يعمي عيونه
قبل تسري سمومه في محاسن دررها

يوم شفت الوسيمه قلت ماهي غبونه
بين الأجناس آيه جل رب(ن)فطرها

هام عقلي عليها والقلب في سجونه
معتقل كيف أسوي روح روحي أسرها

جنة الخلد فيها سعد منهو زبونه
ياعشاشيق يذبح وردها مع زهرها

لوعني بنظرات العيون الفتونه
يوم صوب سهومه ذقت لاعج صقرها

جيدها جيد ريمه مستذيره حزونه
شافت الذيب وأقفت هاربه من ذعرها

والجعد ليل مظلم غطى سايرمتونه
لوتجول الرهيبه دون زي(ن)سترها

كنها من بنات الحورقد(ن)ولونه
فايقه في حسنها حظ جاني ثمرها

والله إني متيم هبلني غصونه
صارقلبي عليها ينقلي من سحرها

شبت الناربأقصى خافقي ياطعونه
في عروقي تمازج بردها مع جمرها

عذبتني ولاتعلم عسى الله يصونه
من جميع المكاره مايعاني قهرها

قلتها ياجماعه من مشاعرحنونه
يشهد اللي رماني في شواطي نهرها

وأعتذرعن قصوري وارتجي من يرونه
يخبروني بحاله طول الله عمرها

علي الزولاني: ٢٠/١/١٤٢٥