يا ليت لي طبع يغير طباعي = يا ليت لي لكن حسافه تغيرت
غيرت وضعي وابتليت انطباعي = واحترت من كثر المواجع وحيرت
حتى غدا قلبي قلب يدور ضياعي = لاما خشيت اني بقلبي تدهورت
يا ليتني في مذبحه موتي جماعي = واموت انا مرتاح موتي كما اخترت
ما عاد لي في حب غامض و ناعي = حبيت والا ذبت والا تحجرت
لا بد لي من حس يحمي قلاعي = يحمي حما عمري متى اقبلت وادبرت
عذبت نفسي عمر من مستطاعي = لكن انا فجأه من الان فكرت
لابد ما اراعي حياتي واراعي = روحي لاني يوم حبيت دمرت
والحب في ذاتي وليس اختراعي = والمشكله في الحب عانيت واكثرت
حبيت في زحمة زمان الخداعي = وآنا نقي والان بعده تكدرت
يا ليل طال الليل واطولت باعي = ما عاد ابي يا ليل طولي لو اقدرت
الله لا رد الهوى والتياعي = الله لا رد الهوى يوم غامرت
ذنبي انا صادق و وجهي قناعي = والكذب خلاني بصدقي تأثرت
عفوا بقايا الروح ما فيه داعي = بحرق كروت الحب ما عاد لك كرت
نالت سيوف الحب من قلب راعي = يرعى قلوب الحب وآنا تدمرت
وش كلفك يا حب تبغى اقتلاعي = من موطن الأخلاص قل لي هل اقدرت

شكرا لكم على هذا الموضوع الرائع والجميل
اتمنى لكم دوام التوفيق وان يكون التميز والتجديد حليفكم
تقبلوا مروري وردي المتواضع عند شموخ حضوركم الكريم
لكم الود كله ومن الورد اطيبه وازكاه ومن العطراجمله ومن البخور اغلاه

عابرسبيل