طيور مهاجرة ... و زحمة فاجرة ....

يقولون طيور مهاجرة
من برد لحر مهاجرة
وبعضها
من حر لبرد مهاجرة
وبعضها من بعضها مهاجرة !!!
وقبطان سفينة وهو قبطان
من زود حرصه صاير جبان
ترسى السفينة ولا ينزل المرساة
وتبحر السفينة ولا يرفع المرساة
وعينه دايم معلقة بالصارية
هو يراقب طيور مهاجرة تحدد اتجاهه ؟؟
وإلا ما يبي يشوف البحر و آخره ؟؟؟
بس ممكن مثله يكون قبطان !!
لكن
يمدحونه وببراعته يوصفونه
بس من شافه ما قال إنه بحار!!
خل بيقول إنه قبطان !!!!

بحر وبحار
وسفينة وقبطان
وسما و طيور مهاجرة
وأرض وناس هاجرة
وزحمة بشر فاجرة
وقليل قليل تعاشرة
الله يا دنيا كثيرك قليل
والكبير فيك بداخله طفل صغير ...

أرجع للطيور المهاجرة
يوم بعضها بيطيح ما عاد بـــيهاجر
وحيث يوقع ماحد من ربعه بيباشره
ما قلت لكم زحمة فاجرة !!!
مهما كان لونها فاجرة
وبكل من فيها تاجرة ..